Jimciyadda Mujaahidka Ee Sooyaal Oo Shahaado Sharaf Gudoonsiisay Mudane Nacnac
Tahriibayaal Somali Ah Oo Ku Dhintay Dooni Kula Qaraqantay Meel U Dhow Dekedda Caddan
Rayaalow: Markaad Dahaba-dheer Ka Doogtey Miyaad Durdurada Bilowday
Rabshad Ka Dhacday Xaafadda Siinaanay Ee Hargeysa Oo Uu Ku Dhintay Wiil Dhalinyaro Ah
Boqolaal Tahriibayaal Ah Oo Ku Qaraqmay Xeebaha Liibiya Iyo Dareenka Cabsida Leh Ee Dhalinyarada Reer Somaliland Ee Ku Qulqulaya Dalalka Waqooyiga Afrika
“Bilihii U Dambeeyey Boqolaal Dhalinyaro Reer Somaliland Ah Ayaa U Boqoolay Liibiya Halka Boqolaal Kalena U Xadhko Xidheen Socdaalka Dheer
Trebly, April 01, 2009 (Haatuf) - Tahriibayaashii ugu badnaa oo ay ku jiraan dad Somali ahi ayaa la sheegay inay ku qaraqmeen xeebaha u dhexeeya dalalka Liibiya iyo Talyaaniga maalmihii shalay iyo habeenkii ka horeeyey, waxaanay wararku sheegeen in dadka ilaa hadda meydkooda la helay ay ku jiraan tiro labaataneeyo qof ka badan oo Somali ahi, halka nolol lagu badbaadiyey ilaa labaatan kale, waxaana la sheegay in aan raq iyo ruux toona la hayn in ka badan boqol qof oo kale, kadib markii dooni ay saaraayeen kula qaraqantay biyaha u dhexeeya Libya iyo Talyaaniga.
Sida laga soo xigtay ilaalada xeebaha Talyaaniga 21 Somaalia ah ayaa meydkooda laga helay badda iyada oo 20 kalena iyaga oo nool la helay kadib markii markab ciidamada talyaanigu leeyihiin oo ku dhawaa halka ay doonidu ku degtay ay u soo gurmadeen, iyadoo ilaa 109 ruux oo tahriibayaasha ka mid ah la waayey, kuwaas oo aan la garanyn Geeri iyo nolol midka ay ku sugan yihiin.
Ciidamada Biyaha dalka Liibiya ayaa wada dedaal ay ku raadinayaan tahriibayaasha Somaalida ah ee doonida kula rogmatey Xeebaha Dalka Libiya Islamarkaana lagu rajo wayn yahey in lagu helo nolal iyo dhimasho mid uun.
Shilkan naxdinta leh ayaa waxa uu dhacay markii Doonidii ay sarnaayeen Tahriibayaashani ay xamili weyday culeyska dadka badan ee saaran, kuwaas oo la sheegay inay aad uga badnaayeen intii loogu talo galay doontaasi, taas oo ka samaysnayd Alwaax , taasi oo markii ay iska xejin weyday mawjadaha badda aakhirkii noqotey mid gebi ahaanba badweynta dhigtay dadkii saarnaa ee tahriibayey. Tahriibayashan oo ah dad ka kala yimid dalalka Afrika ayaa waxa ay wararku sheegayaan inay ku jiraan dad badan oo Soomaali ahi kuwaas oo u hayaamaya sidii ay u gaadhi lahaayeen dalalka Yurub, si ay halkaas nolol ka fiican ta dalalkooda uga raadsadaan, hase yeeshee aa iyagu ogeyn khatarta ka sokaysa dalalka ay hiigsanayaan. Dhawrkii sano ee ugu danbeeyey waxaa ku dhintay xeebaha Libiya iyo kuwa dalalka Yurub dhalinyaro badan oo reer Somaliland kuwaas oo doonayey inay gala waddamada Yurub, waxaanay wararkii ugu danbeeyey ay sheegayaan in dhalinyaro badan oo reer Somaliland ahi ay bilihii la soo dhaafay u baqooleen dhinaca dalalka galbeedka iyo waqooyiga Afrika iyaga oo beegsanaya dalka Liibiya si ay halkaas uga sii gudbaan, waxaanay wararkani xaqiijiyeen inay kor u kacday dhalinyarada ka tahriibaysa dalka, kuwaas oo sababta ugu weyn ee ay u tahriibayaan ku macneeyey rajo xumada iyo niyad jabka ay dhalinyaradu ka qaadeen maamulka dalka oo aan isagu xil iska saarin baahida dhalinyarada ee dhinacyada waxbarashada iyo shaqo la,aanta baahsan ee dalka ka jirta, waxa kale oo ay wararka a xidhiidha tahriibtu ay sheegayaan in tirada dhalinyarada iyagu doonaya inay beegsadaan xeebaha Liibiya ay sii kordhi doonto bilahan soo socdo, taas oo la sheegay inay ugu wacan tahay dib u dhaca ku yimid doorashadii madaxtooyada oo ay in badan oo dadka reer Somaliand ahi ka dhursugayeen, taas oo haddii ay qabsoonto la filayey inay keeni lahayd isbeddel, balse markii ay dhawr maalmood ka hor ay Guurtidu muddo lix bilood ah xilka ugu kordhisay xukuumada Daahir Rayaale isa markaana ay dib u riixeen doorashada wakhtigeedii ay dhalinyarada reer Somaliland in badan oo ka mid ahi goosteen inay u diyaar garoobaan sidii ay ugu badheedhi lahaayeen hayaanka tahriibta iyo socdaalka dheer ee dhibaatada iyo khatarta badan iyaga oo u badheedhaya geeri iyo nolol mid uun.