Haatuf News

Home | Contact Us | Links |  Archives

 ISSUE 2704

 June 30,2011                                                                                        Rajab 28,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Shir Lagu Minjo Xaabinayo Qaranimada S/Land Oo Laga Abaabulayo Deegaanka Woqooyiga G/Awdal Iyo Xubnaha La Sheegay Inay Qabanqaabadiisa Wadaan

Hargeysa, June 30, 2011 (Haatuf) - Shir lagu minjo xaabinayo Qaranimada Somaliland ayaa la sheegay in laga abaabulayo deegaanka Xeego oo masaafo dhawr iyo toban Km ah kaga beegan dhinaca woqooyi Magaalada Boorama ee xarunta gobolka Awdal, halkaas oo la sheegay in shir ka dhan ah qaranimada Somaliland oo la doonayo in badhtamaha bisha July ee sanadkan 2011-ka lagu qabto.

Ma jiro war rasmiya oo daboolka ka qaadayna shirkaasi ujeedooyinka uu salka ku hayo, hase yeeshee ilo xogogaal ah oo shirkaasi u dhuun-daloola ayaa Haatuf u sheegay, in shir lagu magacaabay wada tashiga beelaha Habar Carfaan oo lagu qabanayo deegaanka Xeego ee gobolka Awdal uu daaran yahay ujeedadiisu arrimo lid ku ah Qaranimada iyo jirintaanka gooni isku taaga Somaliland, isla markaana ay dhaqaale badan kooxaha qurba jooga Somaliland diidka ah ee ka soo jeeda deegaankaasi ay ku soo faraqayaan siddii shirkaasi u qabsoom lahaa.

Mid ka mid ah aqoonyahanada beesha Habar Carfaan oo ka cudur daartay in magaciisa la shaaciyo, ayaa sheegay, in shirkaasi la abaabulayo uu arkay Ajandayaasha lagaga hadli doono, kuwaas oo uu tilmaamay in lagu shirqoolayo mawqifka gooni isku taaga Somaliland ee beelaha Habar Carfaan, waxaanu yidhi “Shirkaasi laga abaabulayo buuralayda Xeego Ajandayaasha lagaga hadlayaa wa kuwo gooni isku taaga Somaliland iyo mawqifka beelaha beelaha Habar Carfaan lagu shirqoolayo, waxaana wada kooxo qurba joog ah oo Somaliland kasoo horjeeda oo adeegsanaya xubno ay ka mid yihiin Xoghayaha Golaha Guurtida C/llaahi Dheere iyo guddoomiyaha guddiga dib u eegida shuruucda Xasan Axmed, waana mid khatar ku ah geedi-socodka Somaliland oo midnimo Soomaaliyeed loogu gogol xaadhayo”