Haatuf News

Home | Contact Us | Links |  Archives

 ISSUE 2672

 May 24,2011                                                                   Jamaal Al-Thani 21,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

Somcable Waa Somaliland, Way Socotay Oo Sildaaro looma dhigi karo

Faallo: 29-October Xasuusta Maalin Xanuun Badan Lahayed

Wasiirka Maaliyada Oo Maanta Wakiilada Horgeynaya Korodhsiimada Mushaharka Shaqaalaha, Ciidamada Iyo Mudaneyaal Ku Hanjabay In Haddii $2,000 Looga Dhigi Waayo Mushaharka Ay Miisaaniyada Cusub Ansixinteeda Luqunta Iskaga Duubi Doonaan

 

Tartan Adag Oo Ganacsatada Waawayn Ku Dhexmaraya Saylada Xoolaha Burco!

Hargeysa: Guri Ku Shufbeelay Dab Qabsaday, Iyo Qoyskii Ku Noolaa Oo Dirqi Kaga Badbaaday

 

  

Maayar Ku Xigeenka Lughaya Oo Daboolka Ka Qaaday Qorsheyaal Lagu Minjo Xaabinayo Qaranimada S/Land Oo Laga Wado Deegaankaasi

Hargeysa, May 24, 2011 (Haatuf) - Maayar ku xigeenka degmada Lughaya ee gobolka Awdal Xasan Ibraahim Kaahin ayaa sheegay in magaaladaasi laga wado qorsheyaal lagu minjo xaabinayo qaranimada Somaliland, kuna eedeeyey in Maayarka iyo Odayaasha Lughaya ay u adeegayaan kooxda Qurba-jooga Awdal ee Somaliland Diidka ah.

Maayar ku xigeenku waxa kale ugu baaqay xukuumadda Madaxweyne Axmed Siilaanyo inay si dhakhso ah u soo faro galiso shiqoolada qaranka lagu duminayo ee deegaankaasi ka socda.

Maayar ku xigeenka Lughaya Xasan Ibraahin Kaahin oo xalay wargeyska Haatuf khadka Telephone-ka ugu waramayay isaga oo ku sugan Lughaya, ayaa sidoo kale sheegay in cuna qabatayn laga saaray xil-gudashadiisii, waxaanu yidhi “Degmadan Lughaya ee aan Maayar ku xigeenka ka ahay waa mid dadka degani ay ku xidhan yihiin kooxda isku magacawday Awdal State, markii aan ogaaday inaanay Somaliland qaranimadeeda daacad u ahayn cuno-qabatayn ayaa laygaga soo rogay shaqadii, waa layga xan-qarsaday , waana la i takooray oo maamukiina dibada ayaan ka taaganahay”

Isaga oo ka hadlaya Lughaya waxa ka socda inay xukuumadu si degdega ah u soo faro-galiso, waxa uu yidhi “Awdal State meesha laga xukumaana waa Lughaya oo maayarka laftiisa ayaa ku jira, shirqoolo ayaana ka socda, marka aad u fiirsato waxyaalaha ka socdana waxaad is odhanaysaa malaha Lughaya Somaliland kama tirsana, sidaa darteed waxaan ugu baaqayaa xukuumadda Somaliland inay si dhakhso ah usoo faro galiso qorsheyaasha ka dhanka ah qaranimada ee laga wado Lughaya”