|
Home | Contact Us | Links | Archives |
|
ISSUE 2568 |
January 23, 2010 Safar 19,1432H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
Somcable Waa Somaliland, Way Socotay Oo Sildaaro looma dhigi karo Faallo: 29-October Xasuusta Maalin Xanuun Badan Lahayed
Tartan Adag Oo Ganacsatada Waawayn Ku Dhexmaraya Saylada Xoolaha Burco! Hargeysa: Guri Ku Shufbeelay Dab Qabsaday, Iyo Qoyskii Ku Noolaa Oo Dirqi Kaga Badbaaday
|
Ururka Suxufiyiinta Iyo Qorayaasha Madaxabanaan SSJW Oo Ku Tilmaamay Xadhiga Suxufiga Xuuto Talaabo Hor Leh Oo Diktaytaranimo Ku Dhisan “Rayaale Lix Sanno Ayay Ku Qaadatay Laalista Xeerka Saxaafada Iyo Inuu Xidhxidho Suxufiyiinta, Siillaanyo-na Lix Bilood Oo Kaliya” Muj Yuusuf Cabdi Gaboobe Hargeysa, January 23, 2011 (Haatuf) - Ururka suxufiyiinta iyo qorayaasha madaxbanaan ee SSJW, waxa uu si kulul u cambaaraynayaa xukunka sharci darada ah ee Maxkamada gobolka Hargeysa ku riday Tifaftiraha wargeyska Waaheen Maxamuud Cabdi Jaamac (Xuuto) shalay oo bishu ahayd 22 January, xukunkaas oo ah saddex sanno oo xadhig ah iyo lix Milyan oo Shillinka S/land (6,000,000). Xukunkaasi oo markii uu dhacay ay islamarkiiba ciidamada amaanku si degdeg ah katiinad maxkamada gudaheeda loogu jabiyey Tifaftiraha Waaheen, talaabadaas oo ah mid kasoo hor jeeda Xeerka Saxaafada ee labada gole Baarlamaanku ansixyeen 2004-tii, islamarkaana dhaqan-galka ah oo dhigaya, oo xaaraantimaynaya, in xadhig lagula kaco suxufiyiinta haddii dacwad ka dhan ah saxaafada cidi ku soo oogto loo maro dariiqa Madaniga gaar ahaan qodobka 10-aad ee Xeerka Saxaafada, ayaa isagu si cad u cadaynaya in dacwadaha ka dhanka ah Saxaafada aan loo marin ciqaab iyo xadhig, balse loo maro habka Madaniga. Qodobka 32aad ee distoorka qaranka Somaliland ayaa isaguna damaanad qaaday madaxbanaanida Saxaafada xorta ah, islamarkaana cadeeyay in waxkasta oo lagu cabudhinayo Saxaafada ay reeban yihiin, islamarkaana xoriyatal qawlka u damaanad qaaday. Hadaba ururka Suxufiyiinta iyo qorayaasha madaxabanaan ee SSJW waxa uu cambaaraynayaa talaabo kasta oo lagu cabudhinayo madaxbanaanida Saxaafada xorta ah iyo talaabo kasta oo baalmarsan Xeerka Saxaafada iyo shuruucda dalka u taala, islamarkaana waxaanu cambaarayn xoog leh u jeedinaynaa sifaha sharci darada ah ee loo maray xukunka ay Maxkamada gobolku ku riday Tifaftiraha wargeyska Waaheen, waxaanu ugu baaqaynaa Xukuumadda Somaliland inay si dhakhso ah xoriyadiisa ugu soo celiso suxufigaasi Maxamuud Cabdi Jaamac (Xuuto), islamarkaana ay ixtiraamto Xeerka Saxaafada iyo xoriyatal qawlka. Waxa kale oo ururka SSJW uu cadaynayaa, inuu si weyn uga soo hor jeedo talaabo kasta iyo olole lagu cabudhinayo madaxbanaanida Saxaafada xorta ah iyo xadhig sharci daro ah oo lagula kaco suxufiyiinta ka hawl gala Saxaafada Madaxabanaan ee dalka iyo dariiqa kasta oo lagu dibindaabyaynayo Xeerka Saxaafada ee dhaqan galka ah. Ururka SSJW waxa uu saxaafada Somaliland ee dalka ugu baaqayaa inay ka fogaadaan wax kasta oo ka hor imanaya waajibaadka xil-gudasho ee mihnada Saxaafada iyo waxkasta oo aan waafaqsanayn Xeerka Saxaafada iyo distoorka qaranka. Dhinaca kale Muj Yuusuf Cabdi Gaboobe oo ka hadlay xukunka lagu riday Tifaftiraha Wargeyska Waaheen Maxamuud Cabdi Jaamac (Xuuto) ayaa sheegay inuu yahay mid aan wax sharciyad ah ku dhisnayn, maadaama uu yahay mid aan waafaqsanayn Xeerka rasmiga ah ee u yaala in Saxaafada Somaliland lagu xukumo, isagoo arintaa ka hadlayana, waxa uu yidhi “Xeerka rasmiga ah ee u yaala saxaafada Somaliland Bishan Bisheedii sanadkii 2007 ayaa xukuumadii hore ee madaxweyne Rayaale ay xabsiga u taxaabtay aniga iyo laba suxufi oo aanu xiligaa ka wada shaqan jirnay wargeyska Haatuf, iyadoo nalagu soo eedeeyay inaanu meel kaga dhacnay Mr. Rayaale, kadib markii wargeyska Haatuf uu soo daabacay maqaalo taxane ah oo uu ku soo ban dhigayay Musqusaasuq baah san oo hadheeyay qasriga Madaxtooyada Somaliland, kuna lug lahayd madaxtooyadu Markii danbe waxa nala horgeeyay Maxkamad uu garsoore ka yahay xaakin aan madaxbanaanayn oo amarka toos uga qaadanaya madaxweyne Rayaale iyo garsoore raali galinaya Rayaale ayaa waxa uu laalay xeerkii Saxaafada Somaliland ee laga ansixiyay labada gole Baarlamaan 2004-tii, waxaana si sharci daro ah naloogu fuliyay Xeerka ciqaabta, madaama aanu Xeerka Saxaafada Somaliland aanu ku jirin qodobo xadhiga, balse wixii fal danbeyeed ah ee Saxaafadu ku kacdo uu Xeerkaasi qorayo in loo raaci doono sharciga Madaniga ah, hase yeeshee sida uu garsooruhu Rayaale u raali galiyo wuxu ka leexday sharcigii waxaana nalagu qaaday xukun qarqoosh. Waxaad moodaa in madaxweynaha Somaliland hayo wadadii Rayaale, laakiin farqiqgu waxa weeyaan Daahir Rayaale waxay ka qaadatay inuu laalo Xeerla Saxafada Somaliland iyo xadhiga suxufiyiinta muddo lix sanadood ah u Siillaanya-na lix bilood oo kaliya”. Mujaahid Gaboobe oo hadalkiisa sii waxataana waxa uu yidhi “Garsooraha Mr. Cali Suudi Diiriye ee xukumay suxufiga Maxamuud Cabdi Jaamac (Xuuto) waxa uu ceebeeyay oo uu sharaf riday mihnadii garsooranimada oo waxa uu la mid yahay kii xabsiga Madheera nagu xukumay, waxaana iman doonta in maalin dhaw sharciga lala tiigsado , haduu se madaxweyne Siillaanyo sharaf moodo in si yar oo fudud sharciga loogu jabiyo isagay u taalaa, waxa se muhiim ah raali galinta sida fudud sharciga loogu jabiyay xukuumada Siilaanyo. Hese yeeshee hadii Siilaanyo sidaa sharaf mooday isagay u taalaa cawaaqib xumadeeda-na waa la arki doonaa”. |