|
Home | Contact Us | Links | Archives |
|
ISSUE 2587 |
February 14, 2011 Rabiil Al-Awal 11,1432H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
Somcable Waa Somaliland, Way Socotay Oo Sildaaro looma dhigi karo Faallo: 29-October Xasuusta Maalin Xanuun Badan Lahayed
Tartan Adag Oo Ganacsatada Waawayn Ku Dhexmaraya Saylada Xoolaha Burco! Hargeysa: Guri Ku Shufbeelay Dab Qabsaday, Iyo Qoyskii Ku Noolaa Oo Dirqi Kaga Badbaaday
|
MAANSO Ruuxba Dacal Ka Sudhay (Mustafe Rooble Xasan (Suge)) Maansadan oo uu abwaanka da’da yari tiriyay shalay oo bishu ahayd 13/02/2011. Waxa uu abwaanku ku soo koobay 14 wado oo jacaylku leeyahay oo kala ah 7ba dariiq oo farxad iyo rayn-rayn leh iyo 7ba marin oo dhibaatiyo iyo murugo ah. Deelayda aan idhi Dabo huwan tilmaamaha Waa dareen jacayl oo Dadku ay xasuustaan Dunidaa dhamaanrteed Ruuxba kuu la daran yahay Inuu dood la qaatuu Dibnihiisa uba furay Waxay niyadu doontaa Ruuxa dagay halbawlaha Waxay ruuxdu daalacan Indhahaa ku doogsada Anna waabaan doorbiday Taariikhda duugaan Dib u baadhay caawoo Maansadii ma daynine Ruuxa dabarka caashaqa Dibnahaaga saaree Dadka kaa dhex saaree Duudaha ku geeyee Ama guri dugsoonliyo marwo kuuba dooray waa jacayl da waynoo daayinkeenu keenee afar iyo toban dariiqlay keebaaad la daran tahay 1:-idinkuna dadwaynoow Jacayl waa dab kulul oo Duubkaaga leefoo Dadku ay la yaabaan Diirkaga noociis 2:-marna waa dariiqii Farxad lagu dabaashoo Damaashaadska nololeed Duhur iyo habeenkaba Naftu aanay dudinoo La dabaal-dagtaayoo Dadku kugu maseraan 3:-marna waa dagaal culus Dooxaya halbawlaha Middi daab lahaynoo Daxalkeedu cudur yahay Dabayluhu sidaanbuu Dag-dag kugu sadheeyaa 4:-marnawaa dadaloo Darmo lagu helaayoo Aqal dadab galkiisiyo Dumar lal hoydaayoo Diifaha aduunkana Ka reebta weeyaan 5:-marna waa dariiqii Kugu dara badwaynoo Adigoon dabaashiis Dariskii aqoonbuu Baalo daymihiisii Mugdigiisa daranbuu Daaf kaa dhigtaayoo Niyaduna dilaacdaa Ka didana noloshoo Adigiyo dareenkiis Dabo-dheer xumaantiis Isla daashataanoo Dadkoo seexday badidii 6:-marna waa naq-dayreed Ubax soo dilaaciyo Durdur baalo joogiyo Shinbiruhu badh duulaan Badhna soo dagaanoo Daa’uus ka madax yahay Dadku ay hayaankood Diiradii uqaataan 7:-marna waa hu daran oo Afka dood ka wada Dhuuni dalab lahayn iyo Biyo dacara kuu hura Isha daaji mooyee Doobtu weedh ka soo bixin 8:-marna waa daruuroo Intuu roobku uu da’ay Duufaan lahaynoo Geeduhuna dacalada Mankiis uu dilaacoo Ashqaraar ku sii daray Dadku eegmadiisana Darbiyadu u jiidhaan 9:-marna waa dun adagoo Markaad dayside aadmiga Nafta kali u daa tidhi Seetadana la damacday Kugu day badh furanoo Wacad laga dulboodaa 10:-marna waa diyaaroo Markaad duunyo leedahay Daafaha magaalada Kolba ruuxaad ka doorani Dag-dag kuugu imaada daba-dhoonka saaxiib sacab kuhu daraayoo qosol laba dayaaniyo marwo gaari dumaroo googol saxar udiiday dadab lalaa galaayoo ama geeesi deeqale daaftaada kaba toos 11:-marna waa dad moogo Danyare markaad tahay Intay dayro kugu tidhi Ama diiday xaajada Dadkiina maadays kula dabagalleenoo dugsigiina waad nici sidii gabadh ladayroo dalqadii la soo furay dunni kugu yaraataa 12:-marna waaba dahaboo Ubad daadahaysiyo Dagal lagu ciyaariyo Intifaac u door roon Iftiin daminna weeyaan 13;-marna waa dilaayo Maba laha diir naxa Iska daa bal maantana Wuxuu soo dad jiidhaba Marku dalaq kusoo yidhi Sida ruux dardanbaad Kolba dacal ka eeg taa Dadku ayna maladii Waaali kugu daraano Alla dawyo badana 14;-marna waaba daarti Naruuruhu dul-joogto Badhaadhaha dantaadiyo Dariiqyada il dooga leh Ugu deeqday tabisteed. Aan duubo hadalke Alle deqo bixiyoow Danyar iyo jacayl Dagmo yaay wadaagine Laba duul kakala yeel Laba jihana kala deji Dalabkaygu waa kaas Dadka aan utabiyoow Tolo daw maraan Manta soo diyaarshe maanso diiradeediyo ma ku deeqday faaladu dawgeed ku nooshay? |