|
Home | Contact Us | Links | Archives |
|
ISSUE 2591 |
February 18, 2011 Rabiil Al-Awal 15,1432H | |
|
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
Somcable Waa Somaliland, Way Socotay Oo Sildaaro looma dhigi karo Faallo: 29-October Xasuusta Maalin Xanuun Badan Lahayed
Tartan Adag Oo Ganacsatada Waawayn Ku Dhexmaraya Saylada Xoolaha Burco! Hargeysa: Guri Ku Shufbeelay Dab Qabsaday, Iyo Qoyskii Ku Noolaa Oo Dirqi Kaga Badbaaday
|
Dhalinyarada Somaliland Oo Dood Ka Yeeshay Doorka Ay Kaga Jiraan Siyaasada Dalka Iyo Saddexda Xisbi Hargeysa, February 18, 2011 (Haatuf) – Dhalinyarada Reer Somaliland ayaa markii ugu horaysay Dood ka yeeshay Doorka ay siyaasada dalka kaga jiraan iyo kaalinta ay ka siiyeen saddexda xisbi hogaanada golayaasha dhexe iyo Fulinta, kuwaas oo daraasad ay sameeyeen ku soo bandhigay saamiga ay dhalinyarada ay saddexda xisbi ka kala siiyeen. Doodan oo lagu qabtay xalay Hotel Imperial ee magaalada Hargeysa oo ay ka soo qaybgaleen boqolaal dhalinyaro ah, isla markaana ay ka muuqdeen dhalinyaro ku jira golayaasha dhexe ee saddexda xisbi qaran ayaa ahayd mid kali u ah dhalinyarada oo aanay ku jirin, Masuuliyiin Waaweyn iyo Siyaasiyiin dadoodu ka weyntahay 40 jir aanay ka muuqan, taas oo ay soo agaasimeen ururada dhalinyarada ee SONYO iyo SORADI. Daraasadan oo xambaarsanayd Macluumaadka Doorka dhalinyarada ee dhinaca siyaasada ay kaga jiraan iyo Saamiga saddexda xisbi ay ka heleen golayaashooda Dhexe iyo Fulinta oo xisbi kasta ay soo bandhigeen doorka uu dhalinyarada siiyey ayaa u dhignaa sidan “Golaha dhexe ee Xisbiga Kulmiye wuxuu ka kooban sida la noo sheegay 220 xubnood, waxa dhalinyar ah 44, taas oo boqolkiiba 20% dhalinyaro, halka dadka waaweynina noqonayaan 80%, hadaynu u nimaadno xubnaha Guddiga Gulinta ee Xisbiga Kulmiye waxa uu ka kooban yahay 35 Xubnood, waxa 4 ayaa dhalinyaro ah, taas oo ka dhigaysa 11%. Xisbiga UCID Golihiisa dhexe waxa uu ka kooban yahay 151, oo 90 ka mid ahi ay dhalinyaro yihiin oo ka dhigaysa boqokiiba 60% dhalinyaro golaha dhexe ee xisbiga UCID, Fulintiisuna waa 34 waxaana dhalinyaro ah 4, taas oo ka dhigaysa 12%. Halka 88% ay yihiin dadka waaweyn. Xisbiga UDUB oo golihiisa dhexe yahay 161 xubnood, dhalinyarada ku jirta golaha dhexe ay tahay 24 Xubnood, taas oo ka dhigaysa 15% dhalinyarada, dadka waaweyna kas dhigaysa 85%, Golihiisa fulintuna yahay 27 xubnood dhalinyarada ku jirtaana tahay 5 xubnood, dadka waaweya ka dhigaysa 19%. Halka dadka waaeynina ka noqonayaan boqolkiiba 81%. Sidoo kale dhalinyaradu waxa ay ka doodeen caqabadaha siyaasada ka hor taagan dhalinyarada oo ay ka mid yihiin Dhaqanka, Dhaqaalaha iyo arimo kale ayaa ka dooday siyaabaha ay uga bixi karaan, isla markaana ay dood mug leh ka ciyaaraan siyaasada dalka. Kuwaas oo tusaale u soo qaatay wadamo badan oo Yurub ah inay hiigsadaan oo Madaxweyne yaal ay ka yihiin niman dhalinyaro ah oo 40 Jiro ah. |