Haatuf News

Home | Contact Us | Links |  Archives

 ISSUE 3293

 May 19 2013                                                                                 Rajab  9,1434H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Waftiga Dawlada Jabuuti Oo Ka Hadlay Xuska 18-Ka May Ee Ay Ka Soo Qaybgaleen

Hareysa, May 19, 2013 (Haauf) – Wasiirkii hore ee arrimaha dibada Jabuui Cali Cabdi Faarax oo hogaaminay wafdi ka socda Baarlamaanka dawlada Jabuui oo xuska 22 guurada ka soo wareegay madaxbanaanida Somaliland shalay kala qaybgalay munaasibadaasi, ayaa sheegay in waftigoodu ka turjumayo walaalnimada ka dhaxaysa shacabka Somaliland iyo Jabuuti, waxaanu tilmaamay in waftigooda uu soo diray madaxweynaha Jabuuti Ismaaciil Cumar Geelle si ay munaasibada 18-ka May uga qaybgalaan. Md Cali Cabdi Faarax oo shalay warbaahinta uga waramay ujeedada waftigooda ka yimid Jabuuti, ayaa waxa uu yidhi “Waftigayaga ka socda dalka Jabuuti waxaa na soo diray madaxweyne Ismaaciil Cumar Geelle si aanu shacabka Somaliland ugala qaybgalno xuska 22guurada ka soo wareegtay xuska 18-ka May, waftigayagu waxa uu ka turjumayaa walaalnimada ka dhaxaysa shacabka Somaliland iyo Jabuuti iyo inaanu idinla ciidno maadama ay yihiin shacabka Somaliland iyo Jabuuti dad wada dhashay oo isku dhiig ah. Sidaa darteed shacabka Somaliland waanu uga hambalyaynaynaa xuska dabaaldega ka soo wareegtay 22 guurada munaasibada 18-ka may.