Haatuf News

Home | Contact Us | Links |  Archives

 ISSUE 3294

 May 20 2013                                                                                 Rajab  10,1434H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

“Qaranimada Somaliland Waxba Laga Waydiin Maayo Nin Beebeeyada Ciidamada AMISOM Magan U Ah

Hargeysa, May 20, 2013 (Haatuf) – Boqor Muxumed Geelle Seed oo ka mid ah madaxdhaqameedyada Somaliland  ayaa sheegay in madaxweynaha Somalia Xasan Sheekh Maxamuud uu ku riyooday midnimadii Soomaaliya ee dhamaatay, kuna tilmaamay hadalada ka soo yeedhay doraad kuwo aanu u miidaan dayin, isagoo intaa ku daray inuu yahay nin beebeeyada ciidamada amisom ee Muqdisho ku sugan u magan ah. Boqor Muxumed Geelle Seed oo shalay wargeyska Haatuf khadka Telephone-ka kula soo xidhiidhay isagoo jooga magaalada Gabilay, ayaa sidoo kale shacbiga Somaliland iyo ciidamada dalkaba hambalyo iyo  bogadin uga diray sidii hagar la’aanta ahayd ee ay uga qayb qaaten xuska 22 guurada ka soo wareegtay ku dhawaaqistii  madaxbanaanida Somaliland ee Sabtidii  doraad  looga dabaaldegay dalka gudiisa iyo daafaha dunida. Boqor Geelle isagoo arrimahaa ka hadlaya waxa uu yidhi “Marka ugu horaysa waxaan shacabka reer Somaliland ee ku kala dhaqan dalka gudihiisa iyo dibadiisaba aan hambalyo iyo bogaadin uga dirayaa sidii ay shucuurtooda wadaninimo ugu muujiyeen xuska 22 guurada ka soo wareegtay ku dhawaaqistii madaxbanaanida Somaliland ee doraad la xusay, sidoo kale ciidamada kala duwan ee dalka ayaan iyagana hambalyo u dirayaa. Hadalada xanafta leh ee ka soo yeedhay madaxweynaha Somalia ee uu ku sheegay in dawladiisu ay doonayso in Somaliland iyo Somalia ay dib u midoobaan, waxaanu u aragnaa hadalo hawaawiya iyo kuwo riyo ku dhisan, qaranimada Somaliland waxba kama sheegi karo nin magan u ah beebeeyada ciidamada amism ee Somalia ku sugan, oo xaafada kaliya oo muqdisho ku taalaaanb xukumin, waxaan leeyahay nimaan quusta aqoonin isagaa quus ah. Somaliland Alle mooyee aadmi uma baahna, sidaa darted waxaanu leenahay shakhsiyadka Somalia eek u riyoonaya  midnimo dambe oo Somaliland iyo Somalia dhexmarta, kala quusanee qoomamo la’aada”.