Haatuf News

Home | Contact Us | Links |  Archives

 ISSUE 29233

 March 23, 2012                                                         Rabical Thani  30,1432H     

Xubno Ka Soo Jeeda Awdal Oo Ka Tirsan Labada Gole Baarlamaan Oo Ku Eedeeyey Qurba Jooga Gobolkaasi Inay Wadaan Kicin Iyo Abaabul Dadweyne, Kana Dalbaday Inay Joojiyaan

 

Wasiirka Maaliyada Oo Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku Hafiyay

Shirgudoonka Guurtida Oo Daaqada Ka Tuuray Mooshin Ay Tahriibinayeen Shaqsiyaad Xildhibaano Ah Oo Lagu Carqaladaynayey Somcable

Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman

Maanta, Shalay dhaantey!

Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho

 

 

 

  

Ruug Cadaa Muddo Dheer Kaalin Mug Leh Ku Lahaa CiidamadaBileyska S/land Oo Geeriyooday

Hargeysa, March 23, 2012 (Haatuf) – Alle Ha u Naxariistee waxa maalintii shalay dalka Imaaraadka Carabta ku geeriyooday Ruug cadaa muddo dheer ku soo dhex jiray Ciidamada Bileyska Somaliland, isla markaana kaalin mug leh ku lahaa dhismaha Ciidamada Bileyska.

Marxuum Gen. Maxamed Saqadhi Dubad Taliyihii Ciidamada Bileyska Somaliland oo dhawaan socdaal caafimaad ugu kicitimay magaalada Dubai ayaa maalintii shalay la soo sheegay warka geerida ku timid Taliyaha oo cusbitaal ku yaala dalkaasi lagu daaweynayey.

Marxuum Maxamed Saqadhi Dubad ayaa ciidamada Bileyska ku biiray Kontomeeyadii xiligaas oo uu ka soo qalinjabiyey dugsiga Sheekh ayaa markii ugu horaysay loo qaatay Laba Alifle, isla markaana muddo kadib dalka Ingiriiska uu u tagay Tababar Sarkaal.

Geerida Taliyihii Ciidamada Bileyska ayaa si weyn looga dareemay guud ahaan dalka Somaliland, isla markaana aad looga wada tiiraanyooday geeridaa naxdinta leh ee ku timid taliyihii Bileyska Somaliland Marxuum Maxamed Saqadhi Dubad. Waxaana la filayaa in maalmaha soo socda Maydka Marxuumka loo soo duuliyo Caasimada Hargeysa si loogu Aaso.

Madaxweynaha Somaliland Axmed Maxamed Maxamuud (Siilaanyo) ayaa tacsi u diray Ciidamada Amaanka, gaar ahaana Ciidanka Bileyska, Ehelkii, Qaraabadii, Asxaabtii iyo dhamaan Shacbiga Somaliland ee uu ka baxay Taliyihii Ciidanka Bileyska Marxuum General Maxamed Saqadhi Duabd oo ku geeriyooday ABU-DABAI, 22/03/2012, isagoo general-ku in muddo ahba halkaa u  joogay Xaalad Caafimaad.

Madaxweynuhu waxa uu MARXUUMKA ku tilmaamay Halyey Qaran oo kaalin adag ku baneeyey ILLAAHAY-NA waxa uu  MARXUUMKA uga baryayaa inuu naxariistii Janno ka waraabiyo, Ciidamada Amaanka, Qoyskii, Eheladii, Qaraabadii, Asxaabtii iyo Dhammaan Shacbiga Reer Somaliland ee uu ka baxayna Samir iyo Imaan ka siiyo.

Sidoo kale ku simaha Taliyaha Ciidanka Bileyska, isla markaana ah Madaxa hogaanka ciidanka Bileyska C/laahi Fadal iimaan ayaa tacsi u diray dhamaan Ciidanka Bileyska, Qoyskii iyo ehelkii uu ka baxay Marxuum Maxamed Saqadhi Dubad.