Home | Contact Us | Links | Archives |
ISSUE 3570 |
April 7 2014 Jamadi Al Thani 7,1435H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Guddoomiyaha Ururka Suxufiyiinta Somaliland Ee SOLJA Oo Cambaareeyay Talaabada Xukuumaddu Ku Xidhay Xaruntii Wargeyska Haatuf Hargeysa, April 7, 2014 (Haatuf) - Guddoomiyaha Ururka Suxufiyiinta Somaliland ee SOLJA Xasan Maxamed Yuusuf ayaa cambaareeyay Talaabada ay xukuumaddu albaabada Ugu Xidhay Xaruntii Wargeyska Madaxa Banaan ee Haatuf. Xasan Maxamed Yuusuf oo soo saaray War-saxaafadeed wax ka yar ka dib markii ay ciidamo la wareegeen xarunta Wargeyskaasi ayaa yidhi Ururka Suxufiyiinta Somaliland ee (SOLJA) wuxuu si adag u cambaaraynayaa falka foosha xun ee xukumadu kula kacday islamarkaana kula wareegtay guudahaan xaruntii wargayska madaxa bannaan ee HAATUF iyo SOMALILAND TIMES. Waxa muuqanaysa in xukuumaddani caadaysatay wax aan dalka hore uga jiri jirin oo waliba soo noqnoqonaya, taas oo ah in ka badan laba urur oo ciidana dulgayso xarumaha warbaahinta iyadoo sharciga waddanka u yaalla ku tumanaysa, tusaale cadna waxa u noqonaysa falkii HCTV iyo kii HUBAAL iyo kan hadda kula kacday HAATUF MEDIA GROUP kuwaasoo ay dhammaanba kulawareegtay xarummohoodii. Waxaa halkaa ka muuqanaysa in fallalkani yihiin qorshayaal ku talagal ah oo ay xukumaddu go’aansatay inay kula dhaqanto saxaafadda iyo xorriyatul qawlka, Sidaa darted waxaannu xukuumadda u sheegaynaa in aannu si adag uga soo hor jeedno dhaqankan cabudhinta iyo xoog sheegashada ah ee ay saxaafadda kula kacayso, oo ay ka fikirto saamaynta ay arrimaha noocan ahi ku yeelan karaan dalka iyo dadkaba, Muslin kuma cabiidsamo Walloon madaxa kaa goyne Muggii weel ma dhaafee allow mooska yaan jabinin Xukuumadda waxaan usoo jeedinayaa dariiqan ay qaadday inuu yahay mid cawaaqib oo aan cidna u fiicnayn, sidaa awgeed waxaannu kula talinaynaa inay ka noqoto arrinta oo ay dalka sharciga ku hagto. ALLAA MAHADLEH |