Home | Contact Us | Links | Archives |
ISSUE 3570 |
April 9 2014 Jamadi Al Thani 9,1435H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Haatufka Maanta Ninawna ha u fadhiyin Siiraanyo wuu fayow yahay. Haduu tamarinayo ninkani muu ogolaadeen waxan hortiisa laga samaynayo ee waliba awoodii uu ku magacawnaa uu qoyskiisu ku tagri-falayo. Waar Siiraanyo wuxuu ahaan jiray nin farsamo xumida iyo musuqmaasaqa u il-dheer oo meelfog ka garta oo waa kii markuu mucaaridka ahaa xataa la yaabi jiray kaabadaha madaxtooyada horteeda nabadgalyo ahaan loo dhigdhigo imikana madaxtooyadaa iska daayoo waxaad moodaa inuu yidhi magaaladoo dhanba ku wareejiya kaabado. Siiraanyahaynu afku-xoogle u naqaanay ee aynu ogayn afar sanadood shir jaraa’id oo toban wariye wax ku waydiiyaan muu qaban. Iyadoo afartaas sanadoodba xil qarsiimo lagu jiray waxa aan asturayn oo imika xaaladiisa kashifaysa markay dad kuwii ugu dhawaa ee xubnaha qoyskiisu ay awoodii dawladeed ku tagri-falaan oo ay yidhahdaan dukaamada dadka noo soo xidhxidha ee ay wasiiradii iyo dawladii dhamayd tidhaahdo inanka inanta qaba ayaanu u damqanaynaa oo arki mayno xeerarkii dalka u yaalay. Walee waynu jiridd adagnahay kol hadaynu ku soo jirnay afar sano oo bilaa madaxweyne ah ee bal sanadka u hadhay yaa islaamoo caa’iladiisan ka qabta meheradaha xaqunaas ee ay kolba albaabada u xidhayaan intay isleeyihiin difaaca xidid-ku-xoolowgan yar ee Xamar iyo Hargeysa iskaga dab-qaadaya. Adeer Hadii kale oo sharciga la isku soo dhaafo meherad la baabiiyaa waxay yeelan doontaa meherad la baabiiyo. |