Home | Contact Us | Links | Archives |
ISSUE 3570 |
April 13 2014 Jamadi Al Thani 13,1435H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Xildhibanka Ka Tirsan Golaha Wakiiladda Somaliland Oo Burco Lagu Tooriyeeyay iyo Badhasaabka Togdheer Oo Ka Hadlay Burco, April 12, 2014 (Haatuf) - Xildhibaan Jaamac Xasan Aadan oo ka mid ah xildhibaannada Golaha Wakiiladda Somaliland, ayaa maanta lagu tooriyeeyay magaalada Burco waxaana la sheegay in xildhibaanka uu soo gaadhay dhaawac halis ah oo ay sababtay toorayda oo meelo kala duwan oo halbowle ah kaga dhacday. Guddoomiyaha Gobolka Togdheer oo u waramay qaar ka mid ah warbaahinta dalka ayaa sheegay in ninka Xildhibaanka tooriyeeyay ay qaraabo yihiin xildhibaanka kaas oo ciidamada Bileysku ay raadinayaan eedaysanaha falkaasi xildhibaanka u geystay. Maxamed Muuse Diiriye, badhasaabka Togdheer ayaa inaa ku daray in Xildhibaanka ay ku dhaceen shan tooriyood isla markaana imika lagu daweynayo Cusbitaalka guud ee magaalada Burco iyadoo uu sheegay in xaaladiisu aaanay imika naf ka eeg ahayn balse uu dhaawac weyn qabo. Xildhibaan Jaamac Xasan Aadan, ayaa la sheegay in ninku toorayda ku weeraray maanta markii uu salaadii duhur ka soo baxay masaajid ku yaala badhtamaha suuqa weyne ee Burco. Lama oga sababta keentay in Xildhibaanka lagu weeraro Toori iyadoo aan walina la soo qaban ninka falkaa geystay. |