Home | Contact Us | Links | Archives |
ISSUE 3570 |
April 13 2014 Jamadi Al Thani 13,1435H | |
Xukuumada Oo Maxjar Labaad Ka Baal Furtay Kii Hore Ee Jiray Iyo Dareenada Ku Gedaaman Raysal Wasaaraha Dawladda Sheekh Shariif Oo La Ansixiyey Iyo Dagaalo Ka Dhacay Muqdisho
|
Kiiniyaanka Oo Lacag Faalso Ah Baashe Cawil Ugu Badelay Labadii Milyan Ee Doollar Ee Ay Kaga Qaadeen Madaarka Nairobi 2011-Kii Hargeysa, April 13, 2014 (Haatuf) – Lacagtii labada milyan ee doollar ahayd ee Baashe Cawil iyo afadda Madaxwayne Siilaanyo marwo Aamino Waris lagaga qaaday madaarka Nairobi sanadkii 2011-kii ee markii danbe loo soo celiyey ayaa hada la xaqiijinayaa in Bilayska Kiiniyaanku ay labadii milyan ku badeleen doollar faalso ah (Foorjari) taas oo ay Baashe Cawil ku khasbeen inuu waliba lacagtaas Foorjariga ah dalka Kenya ka saaro, hadii kale ay kashifi-doonaan isla markaana ku soo oogi doonaan kiisas ka dhan ah isaga iyo sodah-dii oo ka dhigaysa dambi wadankaas ay ka galeen. Sida ay sheegayaan ilo xogogaal ah oo ku dhaw dhaw safaaradda Ingriiska ee magaaladda Nairobi oo isha ku haysay dhaq-dhaqaaqyadaasi Labadda Milyan ee Doollar ee Foorjariga ah, taas oo uu Baashe Cawil markii danbe kula soo noqday Somaliland ayaa la sheegay in noodhadhkii lacagtaasi aakhirkii lagu gubay dalka gudihiisa. Sheekada dhacdadan ku saabsan ee hore loo haystay ayaa ahayd in Kiiniyaanku ay Baashe lacagtii si dhibyar ugu celiyeen, taas oo u cuntami wayday dad badan oo xogogaal u ah musuq-maasuqa Kiiniyaanka iyo waliba hunguriga ka soo dhaca marka ay arkaan wax ay Soomaalida ugu soo mar-marsiiyoodaan. |