|
Xubno Ka Soo Jeeda Awdal Oo
Ka Tirsan Labada Gole Baarlamaan Oo Ku Eedeeyey Qurba Jooga
Gobolkaasi Inay Wadaan Kicin Iyo Abaabul Dadweyne, Kana Dalbaday
Inay Joojiyaan
Wasiirka Maaliyada Oo
Daboolka Ka Qaaday Dakhliga Cashuuraha Ka Soo Xerooday Saddexdii Bilood Ee
Ugu Danbeeyay Iyo Wakiilada Oo Su’aalo Ay Maryo Dhiig Leh Ku Kala Furteen Ku
Hafiyay
Shirgudoonka Guurtida Oo
Daaqada Ka Tuuray Mooshin Ay Tahriibinayeen Shaqsiyaad
Xildhibaano Ah Oo Lagu Carqaladaynayey Somcable
Xukuumada Oo Maxjar Labaad
Ka Baal Furtay Kii Hore Ee Jiray Iyo Dareenada Ku Gedaaman
Maanta, Shalay dhaantey!
Raysal Wasaaraha Dawladda
Sheekh Shariif Oo La Ansixiyey Iyo Dagaalo Ka Dhacay Muqdisho
|
|
Ciidanka RRU-Da Oo Sifo Sharciga Baal-marsan
U Xidhay Agaasiihii Shabakadda Caalamiga Ah Ee Hadhwanaagnews
Hargeysa, April 13,
2014 (Haatuf) – Ciidamada RRU-du ayaa maanta sifo sharciga baal-marsan
xabsiga ugu taxaabay agaasimihii shabakadda caalamiga ah ee
Hadhwanaagnews.com Najax Aadan Cunaaye.
Ciidanka Police-ka ayaa qabtay agaasimaha Hadhwanaagnews wakhti uu
gudanayey waajibaadkiisa shaqo, kuna hawlanaa soo gudbinta warar la
xidhiidhay ardayda jaamacada Hargeysa oo maanta samaynayey mudaharaad ka
dhan ah wasaarada waxbarashada iyo maamulka jaamacada Hargeysa.
Mudaharaadka ay sameeyeen ardayda jaamacada Hargeysa ayaa la xidhiidhay
ka dib markii lagu kordhiyey lacagtii hore looga qaadi jiray ee ay ku
dhigan jireen jaamacada.
Agaasimaha shabakada Hadhwanaagnews Najax Aadan Cunaaye oo intii aan
laga qaadin qalabka isgaadhsiinta la soo xidhiidhay xafiiska shabakada
ee Magaalada Hargeysa ayaa waxa uu xaqiijiyey inay ciidamada Police-ku
qabteen oo ay xidheen isla markaana ka qaadeen qalabkii warbaahineed ee
uu watay.
Dhinaca kale xukuumadda Siilaanyo ayaa noqonaysa xukuumadii ugu tacadiga
badnayd dhinaca xoriyatul-qawlka marka loo eego maamuladii ka horeeyey,
taas oo mudadii saddexda sano iyo badhka ahayd ee ay jirtay xabsiga
dhigtay suxufiyiintii ugu tirada badnayd isla markaana albaabadda sifo
sharciga baal-marsan ugu laabtay xarumo war-baahineed si ay meesha uga
baxdo dhaliisha iyo musuq-maasuqa ay masuuliyiinta dawladu sameeyeen ee
la soo bandhigay. |