Breaking news: Baashe Cawil (Morgan) iyo Wasiirka
Macadanta Oo Lacag Gaadheysa 50,000$ Siiyey Gud.Maxakamada G.Maroodi
Jeex iyo Xeer Ilaalinta Si Xadhig Dheer Loogu Xukumo Madaxda Haatuf
Waxaanu halkan idiinku soo gudbinaynaa warka ciwaankiisu kor ku xusan
yahay oo maanta 24/4/2014 ku soo baxay website-ka somalilandcitizen.com:
Hargeysa, ( Somalilandcitizen ):- Iyadoo shabakada Somalilandcitizen ay
indho dheer ku eegeysey Arrinka Wargeyska Haatuf iyo Xukuumada dhexyaala
ayey shabakadani il gaara ku haysey dhaqdhaqaaqa wiilka Siilaanyo sodoga
u yahay Baasha Morgan iyo Wasiirka macdanta.
Waxay shabakadu ogaatey in sadex kulan ay yeesheen Bashe Morgan,wasiirka
macdanta,Gudoomiyaha Maxkamada Gobolka Maroodi jeex.ku-xigeenka
xeer-ilaaliyaha Guud ee qaranka iyo garyaqaanka guud ee dawlada wuxuuna
kulankaasi ka dhacay Gurigii hore ee Siilaanyo ku jirey xiligii uu
mucaaradka ahaa waxaana kulankaasi goob joog ka ahaa Marwada
madaxweynaha Amina Weris.
Dood dheer ka dib waxaa la isla gartay in Gudoomiyaha Wargeyska Haatuf
la Xidho 3Sadex Sanadood,Tafatiraha Guud ee Haatufna la xidho 5Shan
Sanadood iyo 10milion oo ganaaxa waa shilinka somaliland,taasi
bedelkeeda waxaa la siiyey Gudoomiyaha Maxakamada Maroodi jeex
25.000$,ku-xigeenka xeer ilaaliyaha guud iyo garyaqaanka dawladana waxay
qaateen 25.000$.
Lacagta waxaa dhiibay Baashe Morgan wiilka Siilaanyo u sodoga
yahay,masuulka warkani na siiyey ayaa ka cudur daartay in magaciisa aanu
shaacino amaankiisa awgeed.
http://www.somalilandcitizen.com/2014/04/24/breakingnewsbaash-cawilmorganiyo-wasiirka-macadanta-oo-lacag-gaadheysa-50-000-siiye-gud-maxakamada-g-maroodi-jeex-iyo-xeer-ilaalinta-si-xadhig-dheer-loogu-xukumo-madaxda-haatuf/
Tafatiraha Guud
Somalilandcitizen.
|