|
|
Madaxwayne Siilaanyo Oo Labadii Maxamed Raacay
Dariiqa Kii Hore (Siyaad Bare)
Faallo: Maxamed Sagax
Madaxwaynaha Somaliland Axmed Maxamed Maxamuud Siilaanyo oo xilka
madaxtinimada dalkan hayay muddo ku dhaw afar sano, oo shacbiga
Somaliland xiligii ay ku soo dooranayeen doorashadii madaxtooyada
Somaliland ee ka dhacday 26 June 2010 ay u arkayeen in uu raacidoono
hogaamintii lagu yaqaanay Aabihii Somaliland ee marxuun madaxwayne
Cigaal oo ahaa Aasaasihii dhidibada u taagay Haykalka dawlidnimada
Somaliland oo isagu seeska u dhigay dhaxalka ay Somaliland ay maanta
haysato ee caalamkuna ku majeerto, oo lagu yaqaanay nimaan qaraabo kiil
iyo Hanti gurasho dhaqan u lahaan jirin isla markaana dulqaad iyo xamil
u laaha dhaliilaha habdhaqankiisa Hogaaminta mucaaridku u jeediyo, sidoo
kale shacbigana bishiiba kala hadli jiray xiliyada ay dalka la soo
gudboonaadaan mar xalado xasaasi ahi fagaarayasha khayriyada ama shirar
jaraa’id ku qaban jiray qasriga madaxtooyada isla markaana si kalsooni
leh ugu badheedhi jiray su’aalaha ay saxaafadu ku waydiiso shirarka
jaraa’id ee uu qabto.
Ayaa nasiib daro madaxwayne Siilaanyo oo hab dimuqraadiya lagu soo
doortay ayaa marka la eego habdhaqankiisa Hogaaminta iyo masuuliyiintisa
Xukuumadu ee kale socda ayaa isagu raacay dariiqii rajiimkii dalka laga
xoreeyey ee Maxamed Siyaad Barre kaas oo ka leexday dariiqii marxuum
madaxwayne Cigaal taas oo loo joogo dhacdooyinka guracan ee uu mudadii
madaxwayne Siilaanyo uu dalkan hogaaminayay sida xidhiidhka ah ugu
dhacayay sida:
SIda Qaraabo kiilka, Eexda, Cadaalada darada, cabudhinta, iyo
xadgudubyada saxaafada madax-banaan taas oo maraysaa heer wargayso
madaxbanaan sida Haatuf iyo Hubaal xarumahoogii ciidamo ay la wareegaan
iyada sifo sharci daro ahna loo xayiray , hawlahoodii xil gudasho laguna
riday xukuno qayri sharci ah, oo xukun qarqoosh ah oo aan meelna ka
waafaqsanayn dastuurka qaranka iyo shuruucda wadanka u taala.
Waxaana la marayaa heer qofkii madaxwayne Siilaanyo hogaamintiisa iyo
xukumadiisa dhaliilaba weeraro qudh-gooyo iyo xadhigyo sharci daro ah
lagu qaado iyada oo xaaladu taagan tahay car juuq dheh iyo halku
dhagyadii ahaa xiligii raiiimkii siyaad bare” ama Afwayne raac ama
Afkaaga hayso ama xadhig u diyaar garaw”
Waxa umada Somaliland amakaag iyo yaab manta ku noqday asbaaba
madaxwayne Siilaanyo waxyaalihii xiliyadii uu mucaarid ahaa uu xaaraam
timayn jiray uu manta u xalaalshaday sida “Xoriyatal Qawlkii, Xornimadii
Saxaafada iyo cadaalad daradii uu ka qaylin jiray , iyo Hanti Boobka oo
xadka ka baxay “ wax la filayayna may ahayn in madaxwayne Siilaanyo
raaci doono dariiqii kaligii taliyihii siyaad Bare waase la yaqaana
xukuumadaha iyo hogaamiyayaasha khaatumo xumaysanaya waxa lagu salido ee
shaydaanku u qurxiyo” Qofkasta oo dhaqankii afwayne lihi waa siyaad
bare,
Marna maan filayn waxyaalihii xayiraada ahaa ee uu daahir riyaale nagala
xishooday wakhtigii uu suxufiyiinta Haatuf xabsiga u taxaabay in uu
madaxwayne Siilaanyo inta uu ciidan soo galiyo xaruntayada wargayska
Haatuf in uu yidhaahdo waa xayiray oo ma shaqayn kartaan “
Waxase layaab ah xarunta Haatuf oo mudo bil ah xayiran in la yidhaahdo 4
bisha May ayaa dacwadeedii laga furayaa maxkamada gobolka Hargaysa,
maxaa dacwad la dhagaystaa meel xukun qorqoosh lagu riday , waase la
garanaya in fashilaadii xukuumada Siilaanyo kaga dhacday xayiraada
sharci darada ah ee Haatuf ay maxkamadaha ku maxlalayso. |