|
|
S/land Oo Laga Xusay Maalinta Xoriyadda
Saxaafadda Aduunka Iyo Xukuumada Siilaanyo Oo Dhaliilo Looga Soo
Jeediyey Tacadiga Ka Dhanka Ah Warbahinta Madaxabanaan
Hargeysa, May 3, 2014 (Haatuf) - Ururada Saxaafadda Somaliland ayaa
maanta si balaadhan u xusay maalinta xoriyatul qawlka saxaafadda aduunka
oo sanad kasta la xuso bisha May 3-deedda.
Munaasibadan loogu dabaaldegayey maalinta saxaafadda aduunka ayaa waxa
ka soo qaybgallay guud ahaan warbaahinta Madaxabanaan ee Somaliland,
xisbiyada mucaaradka, xisbiga muxaafadka ah ee kulmiye, iyo xubno ka
socday dawlada wariyeyaal, ururadda xuquuqul insaanka iyo marti sharaf
kale.
Xisbiyada mucaaradka ee UCID iyo WADANI ayaa iyagu xukuumadda madaxweyne
Siilaanyo ku tilmaamay inay cabudhinayso xoriyatul qawlka, isla markaana
ugu baaqay inay degdeg usii daysay labadda wargeysa ee Hubaal iyo Haatuf
ee xafiisyadoodda la xidhay.
“Immika waxaan ka imi Dibada(Yurub) meeshaanu istaagnaba waxaanu kaga
hadlaynay qaddiyada Somaliland,Su’aalihii ugu badnaa ee nala
waydiinaayay waxaa ka mid ahaa maxaa loo xidhay Hubaal iyo Haatuf
dawlada Siilaanyo meel xunbay wax marinaysaa,Xuquuqal iinsaankii dalkuna
wuu arbushan yahay muwaadiinka maanta waxaa xidhi kara Askariga,Wasiirka
ninkii doonaa xidhi kara cid is waydiinaysaana ma jirto”ayuu yidhi
Cabdiraxmaan Cabdiqaadir oo hore u ahaa gudoomiye ku xigeenkii xisbiga
KULMIYE, balse hadda ku hadlayey afka madasha wadatashiga.
“KULMIYE waxyaabo badan ayuu xariif ku ahaa Siilaanyo saxaafaddii wuu ku
guuray ,baarlamaankii wuu ku guuray intaaba immika wuu ka dul
talaabsadoo wuxuu yidhi idiinma baahnin Saxaafaddii imika waxaa laga
ilaalinayaa in ay wax sheegto, ina Riyaale waxaanu odhan jirin wuxuu
ahaa Nabad-sugidii Saxaafaddu xidh-xidhaa Riyaale intuu uu xilka hayey
wuxuu xidhay 17 Suxufi, labadii Sannadood ee ugu horeeyay Siilaanyo
wuxuu xidhay 58 Suxufi”ayuu raaciyey C/raxmaan C/qaadir.
Gudoomiye ku xigeenka xisbiga taladda haya ee KULMIYE, Maxamed Kaahin
Axmed, ayaa isna ka difaacay eedeentii xisbiyada mucaaradku u jeediyeen
xukuumadda, isla markaana sheegay in laga wada hawlgallo sidii loo
siideyn lahaa wargeysyada xidhan. |