“Madaxtooyadu Waxay Isu Badali Doontaa
Miidaanu Taxriir Ama Dhagxaan Is Hordhiga
Ama Darbiyo
Dhaadheer Dhista, Daaqadaha Ayaa Layskaga
Soo Daadan Doona"
Af-Hayeenka Xisbiga WADDANI
Xildhibaan Ibraahim Buubaa
Hargeysa. June 8, 2014 (Haatuf) – Xildhibaan Ibraahim
Mahdi Buubaa oo ka mid ah xildhibaanadda golaha wakiilada Somaliland
isla markaana ah Af-hayeenka Xisbiga Mucaaradka ah ee WADDANI ayaa
xukuumada Madaxweyne Siilaanyo ku eedeeyey inay ka caga jiidayso in ay
samayso diiwaan galinta Codbixiyeyaasha doorashada,waxaana uu carabka uu
ku dhuftay in shacbiga reer Somaliland ay ka dharagsan yihiin in ay mudo
kordhin la sameeyo,isaga oo sida oo kalena tibaaxay in aanay marnaba ka
asxaab ahaan aqbali doonin in hal maalin ay doorashadu dib u dhacdo.
Xildhibaan Ibraahim Mahdi Buubaa ayaa hadalkna ka sheegay mar uu maanta
warbaahinta kula hadlayey magaalada Hargeysa"Waxaanu haynaa in aan muddo
kordhini aanay xal u ahayn qarankan,waxaanu u sheegaynaa in habeen lagu
daraa in aanay dawo u noqonayn dalkan sida aad la socoto dawladan
dawladii ka horaysay afar doorosho ayey dalka ka qabatay xukuumadinana
doorashadii deegaanka ee dawladaha hoose ee waxii dhibaato ka dhacay la
ogaa ayaa ugu horaysay wax ay qabato imikana waxaa muuqata in ay ka caga
jiidayso in diiwaangalintii codeeyayaasha wakhtigoodii lagu diiwaan
galiyo iyada oo waliba deeq bixiyeyaashii iyo kuwii kale ee inaga
caawinaayey ay diyaar u yihiin habeen iyo maalinba ay heegan u yihiin in
ay dalka ka hirgaliyaan diiwaan galintii codeeyayaasha"
Af-hayeenka Xibiga Mucaradka ah ee WADDANI Xildhibaan Ibraahim Mahdi
Buubaa oo hadalkiisa sii wata ayaa waxaa uu sheegay in hadii xukuumadu
ay doorashada wakhtigeeda ku qaban waydo ay madaxtooyadu noqon doonto
midaanu taxriir,waxanaa uu uga digay in ay doorashada dib u
dhigaan"taasi waxaa ay ku tusaysaa in aan xukuumadani aanay u jeedin in
ay dalkan doorasho ka qabato.waxaanu idiin sheegaynaa in miidaanul
taxriir madaxtooyadu isu badali doonto ama dhagxaan is hordhiga ama
darbiyo dhaadheer dhista daaqadaha ayaa layskaga soo daadan doona hadii
doorashadii iyo diiwaan galinta sideedii lagu qaban waayo". |