Home | Contact Us | Links | Archives |
ISSUE 3570 |
June 15 2014 Shabcan, 17, 1435H |
|
|
Ururka Suxufiyiinta Somaliland Ee SOLJA Oo Luuqad Adag Ku Cambaareeyay Xadhiga Sharci-Darada Ah Ee Xukuumadu Kula Kacday Guddoomiyaha Wargeyska Haatuf
Yuusuf Cabdi Gaboobe Ayaa Saaka Laga Qaaday Jeelka Dhexe Ee Hargeysa, Loona Dhaadhiciyey Xabsiga Magaaladda Gabiley Oo Uu Hore Ugu Xidhnaa
Hargeysa, June 15, 2014 (Haatuf) - Ururka suxufiyiinta
Somaliland ee SOLJA ayaa luuqad adag ku cambaareeyay xadhiga
sharci-darada ah ee xukuumadda Siilaanyo markii labaad shalay xabsiga
ugu taxaabtay guddoomiayaha wargeyska Haatuf Mujaahid Yuusuf Cabdi
Gaboobe. Sidaana waxay ku sheegeen warsaxaafadeed ay soo saareen ururka
suxufiyiinta Somaliland ee SOLJA oo nuqul ka mid ah soo gaadhay Haatuf,
kaas oo isaga oo dhamaystiran u dhignaa sidan:- “Ururka Suxufiyiinta
Somaliland ee SOLJA waxa uu cambaaraynayaa falka anshax xumada ah ee
markii-labaad uu kula kacay garsoore Asad Nuur Cilmi Gudoomiyaha
Wargeyska Haatuf Yusuf Cabdi Gaboobe. Oo maanta 6/14/14 abaaro 11:40
barqonimo xabsiga ugu taxaabay gudoomiyaha wargeyska Haatuf oo ku sugan
xarunta maxakamada gobolka maroodi-jeex isagoo ay gudoomiyaha maxkamada
gobolka maroodi-jeex Faysal dhagodhago u-lasocday inlagabadalo
garsoorihii ay hore udureen iyo in lamudeeyo dacwadii wargeyska iyo
masuuliyinta Haatuf hore loogu haystay taasi oo uu gudoomiye Faysal uu
hore uga ogalaaday. |
|