|
Maxkamada G/Hargeyska Oo Soo Gabagabaysay
Kiiskii Masuuliyiinta Haatuf
Loo Haystay, Xukunkana U Mudaysay
24-ka Bishan Iyo Siyaasiyiin Ka Soo
Xaadiray Dhagaysiga Maanta Oo Ka
Markhaati-kacay Cadaalad Darada Garsoorka
Hargeysa, June 19, 2014 (Haatuf) – Maxkamada gobolka Hargeysa ayaa
maanta soo gabogabaysay dhagaysiga eedihii loo haystay masuuliyiinta
wargeyska Haatuf Yuusuf Cabdi Gaboobe iyo Tifaftiraha Wargeyskaasi Axmed
Cali Cige, waxaanay maxkamadu u mudaysay ku dhawaaqista xukunka lagu
ridayo masuuliyiintaasi Haatuf 24-ka bishan June.
Dhagaysigii maanta ee maxkamada ayaa waxa ka soo qaybgalay siyaasiyiin
iyo dadweyne tiro badan kuwaas oo markii qarsoorihii dacwada qaadayey uu
ku dhawaaqay inuu soo gabogabeeyey kiiskan ay ku eedaysan yihiin labaadi
suxufi xili qareenadii u doodayey suxufiyiinta Haatuf ay dibada ka
joogeen dhagaysiga dacwada ayaa ka marag kacay cadaalad daro baahsan oo
ka muuqatay dhagaysiga dacwadan.
Jamaal Cali Xuseen oo ah musharaxa madaxweynaha xisbiga UCID iyo
Xoghayaha ururka suxufiyiinta Somaliland ee Solja Maxamed-Rashiid
Muxumed Faarax oo warbaahinta la hadlay kadib markii dhagaysiga dacwada
Haatuf la soo gabogabeeyey ayaa sheegay in Xeer Ilaaliyaha gobolka
Hargeysa Aadan Ismaacil Mire uu si badheedh ah ugu hanjabay Gudoomiyaha
Haatuf Yuusuf Cabdi Gaboobe oo ah eedaysanaha xadhiga sharcidarada ah
lagula kacay ee maanta maxkamada la keenayo, inuu cagtiisa hoosteeda
galin doono gudoomiyaha Haatuf. |