|
|
Hawlgalkii Saddex-Geesoodka Ahaa
Ee Lagu Khaarajinayey C/Laahi
Abokor Iyo Xogaha Ku Duugan
Qalinkii : C/kariim Abokor Cismaan (Q/1aad)
Ugu horayn waxa aan salaamaya Saxaafada Madaxa Banaan Ee Hadh iyo Habeen
Heeganka Ugu Jira sidda ay Ugui Adeegi lahaayeen Shacabkooda,
Fikradohoodana u soo gudbin lahaayeen.
30-kii May2014-ka ayey ahayd habeen jimce ah abaaro 1:00-dii habeenimo
markii mar kaliya gariirka,dhawaaqa iyo dayaanka hubka noocyadiisa kala
duwani ay ka bilawdeen guriga walaalkey C/Laahi Abokor Cismaan oo si
nabad ah isaga iyo caruurtiisuba ay ugu hoydeen, gurigiisa oo ku yaala
xaafada Jig-Jigjigayar Ee Magaalada Hargeisa. Markii ay maqleen rasaasta
sida baraha roobka ugu daadanaysa guriga ee qof waliba halkii uu hurday
uu ka booday, ayaa mid ka mida gaadhka gurigu uu arkay argagaxa ku socda
uu la soo baxay qorigii uu uu ku ilaalin jiray iskuna dayey inuu iska
difaaco weerarkan culus ee ku habsaday saqda dhexe.
Halkaana ay is rasaasayni ku dhex-martay ciidankii duulaanka ahaa,
nasiib daro ciidanka lagu magacaabo RRU-da oo rasaastii kaga timi ninka
ilaalada ah ka cabsaday Ayuu Taliye Fadal oo isagu hogaaminayey
weerarkani uu dalbaday ciidan xoojin ah oo laga keenay taliska ciidanka
qaranka( ciidankii loogu talo galay inay difaacaan cadawga jiidaha hore).
Ciidankan oo sitay hub culus ayaa si aan loo miidaan dayin guriga u
garaacay, dhaawicii iyo meelihii ay rasaastu kaga dhacday guriga intiini
ka dawaatay TV-yadu Marag baad ka wada tihiin.
Haddaba akhriste aniga oo khasaaraha goobta ka dhacay iyo guud ahaanba
sidii wax u dhaceen maqaalo xidhiidha idiinku soo gudbin doona aan ugu
horayn idinla wadaago Jawaabta, su’aasha ah Yaa Ka Dambeeyey Weerarkan
Bahlnimada Ah Ee Loogu talo galay in lagu khaarajiyo Walaalkey C/laahi
Abokor Cismaan W/xigeenkii Hore Ee Amniga.
Baadhis iyo daraasad aanu muddo wadanay qoys ahaan waxa noo soo baxay
cidii qorshahan dhagaraysan ka dambaysay, waxyna nala noqotay inaanu
bulshada u soo bandhigno intii ka talisay,intii amarka ka bixisay,intii
gacmohooda ku fuliyey,intii isku dubariday,intii fududaysay iyo intii
maal iyo afba ku taageertay, waa dad noogu qornaan doona diwaan qalinka
lagu qoraa aanu tirtirmi doonin, waa xusuus iyo mahadho ku sawiran
qalbiyadayada isku daygii dil ee foosha xumaa ee loogu talo galay
walaalkey C/laahi Abokor.
Lasoco qeybaha dambe…………………………….
Qalinkii : C/kariim Abokor Cismaan. |