|
|
Heshiiskii Madaxwayne Silanyo Iyo
Muuse Biixi Oo Burburay , Khilaafkii Oo Markale Istaadhmay & Rag Ka
Tirsan Garabkii Siilaanyo La Safnaa Oo U Hanjabay Muuse
Hargeysa, June 24, 2014 (Ramaas) - Warar Xogogaala oo
aanu ka helay Madaxtooyada ayaa sheegaya in Maanta galinkii hore kulan
ku dhex maray Madaxweyne Axmed Siilanyo iyo Gudoomiyaha Xisbiga Kulmiye
Muuse Biixi Cabdi, kulanka ayaa la sheegay in ay gudoomiyaha iyo
Madaxweynaha oo kaliyi balan ku lahaayeen kulankaasi oo ahaa in ay
labada masuul kulan gaara wada qaataan maadama oo aanay mudadii
dhexdhexaadinta Khilaafka xisbigu Kulmiye Socotay kulan gaara wada
yeelan.
Waxaanu warku intaas kudaray in kulankii labada masuul oo aan si rasmiya
ubilaamin balse ay wada fadhiyaan Xafiiska Madaxweynaha ay markaliya soo
galeen xafiiska Madaxweynaha Xubno aan la magac dhabin oo katirsan
hogaanka Xisbiga Kulmiye ee garabkii Madaxweyne Siilanyo kuwaas oo
damacsanaa in ay dhagaystaan waxa ay Madaxweynaha iyo Gudoomiye Muuse
Biixi Cabdi kuwada hadlayaan balse waxa arintaas ka biya diiday una
arkay shirqool loo maleegayo Gudoomiyaha Xisbiga Kulmiye Muuse Cabdi
Isaga oo madaxweynaha ka codsaday in nimanka uu kulankooda gaarka ah
debeda uga saaro balse waxa uu Madaxweyne Siilanyo ugu jawaabay waa iska
caadi fadhiga nimankani maxaad ka hadlaysaa soo daa warkaaga sidoo kale
waxa uu Madaxweynuhu raaciyay oo hadalkiisa ka mida ahaa miyaanad ku
dhawaaqayn in shirweynihii golaha dhexe ee Xisbiga la qabto bacda
Ramadaanta, Muuse Biixi ayaa warku sheegay in uu kaga jawaabay maxaan ku
dhawaqaa miyaynaan horta wada hadlayn
Intaas markii ay dhacday ayay Xubnihii kulanka gaarka ah ee Madaxweyne
Siilanyo Iyo Muuse Biixi dhex maarayay kusoo dhex dhacay ee katirsanaa
hogaanka Xisbiga Kulmiye gaar ahaan garabkii Madaxweyne Siilanyo ay
Gudoomiye Muuse Biixi ku yidhaahdeen waar ku dhawaaq waa shirweynaha
aanu kugu ridaynee maxaad uga meeraysanaysaa.
Intaasi markii ay dhacday ayaa Gudoomiye Muuse Biixi Cabdi oo aanay
jirin meel ufayawi cadho kaga soo baxay Madaxtooyada.
Arinkan ayaa umuuqda mid lagu shirqoolayay Gudoomiyaha Xisbiga Kulmiye
oo aanay jirin meel ufayaw hadii ay noqoto kalsoonidii taageerayaasha oo
uu lumiyay dhawaan markii uu aqbalay go,aankii dhinaca ka rarnaa ee
xaqiisa lagu duudsiyay iyo markii uu kudhawaaqayay tanaasulka
musharaxnimadisii Madaxtinimada Xisbiga kulmiye.Ma jiro war rasmi ah oo
kasoo baxay qasriga Madaxtooyadda Somaliland iyo hogaanka xisbiga
Kulmiye oo la xidhiidha kulankaa, balse sida ay shebekadda wararka ee
Qarninews heshay waxa Gudoomiye Muuse Biixi ku tegey qasriga
Madaxtooyadda balan uu la lahaa Madaxweynaha.Hase yeeshee sida ay
sheegayaan tibaaxaha iyo xoggaha hordhaca ah ee laga helay kulankaa
Gudoomiye Muuse Biixi oo ku socda balantii Madaxweynaha, waxa uu
xafiiska Madaxweynaha ugu tegey sadex xubnood oo ka mid ah hogaanka
xisbiga oo xiligaa ku sugnaa xafiiska Madaxweynaha, kuwaas oo kala ahaa
Gudoomiye Xigeenka Labaad Xisbiga Xildhiban Wabeeyo, Xildhibaan
Cabdiraxmaan Talyanle iyo Xoghayaha Guud ee Kulmiye Xasan Siciid
Talaabadan lagula kacay Muuse Biixi ayaa kusoo beegmaysa xili uu
Gudoomiyaha Xisbiga Kulmiye uu lumiyay guud ahaan kalsoonidii shacabka
reer Somaliland ee kasoo horjeeday hogaaminta dalka ee Madaxweyne
Siilanyo iyo Xukumadiisa oo iyaduna meel cidla ah dhigtay kalsoonidii
shacabka kadib markii ay ku dhaqantay kala qeybinta shacabka walaalah ah
ee kuwada dhaqan geyiga Somaliland iyo qabyaaladii oo dib usoo noolaatay
kudhaqankeedii uu Madaxtooyada lagu qeybiyo balse waxa waxaas oo dhan ka
daran Gudoomiye Muuse Biixi oo ay ay cadaatay in aanu meelnaba kasoo
galin siyaasada iyo kushaqaynteeda iyada oo ay garabka Madaxweyne
Siilanyo ee hogaanka Xisbiga Kulmiyena cadeeyeen in la wado qaabkii
Gudoomiye Muuse Biixi looga tuuri lahaa gudoomiyenimada Xisbiga kulmiye
kalsoonina aan lagu qabin in uu hogaanka Xisbiga Kulmiye sida
Madaxtooyada laga rabo aanu uwadi doonin. |