|
Home | Contact Us | Links | Archives |
|
ISSUE 3570 |
September 29 2014 Dul-Hijjah 4,1435H |
|
|
|
Siilaanyo Beenta Uu Sheegay waxa ka darran Dhaqan-xumadda Ay Maskaxda Caruurta Ku Reebayso Hargeysa, September 28, 2014 (Haatuf) – Madaxwayne Siilaanyo haddii uu inuun ummadda u tudhayo wuu is-casili lahaa markii ay soo shaacbaxday-ba inuu da’diisii ka been-sheegay. Kol hadii ay ilaa caruurtii ay ogaatay in isagoo madaxwaynihii dalka uu muddo saddex sanadood gudaheed ah laba da’ood oo kala jaad ah sheegtay oo isagoo markii hore isku diwaangaliyey inuu tuulo la yaraadho Dheryalay ku dhashay sanadkii 1936-kii uu haddana Khamiistii dhawayd sheegtay inuu Burco ku dhashay 1942-kii, waxay ahayd inuu bulshadda xaal ka siiyo meel ka-dhacaa wayn ee uu u gaystay maamuuskii iyo sharaftii ay lahayd madaxtinimada dalku isla markaana uu xilka iskaga deggo si uu isku daba-qabateeyo oo uu wax uun uga gaadho karaamadiisa uu dhulka jiid-jiiday markii uu u badheedhay inuu been qayaxan dadka la horyimaado. Mr Siilaanyo waxa arrintan ka yeedhsiiyey jacaylka kursi aanu waliba ummadda wax ugu tari karaynin. Waxa iska cad in marka uu da’diisa yaraynayey uu ula jeeday in aanu qabanin qodobka sharci ee qofka da’diisu kor u dhaafto 74 jirka ka xarrimaya inuu isku sharaxo jagadda madaxwaynenimada Somaliland. Su’aasha meesha taalaase waxay tahay maxay caruurtu ka barran doontaa marka madaxwaynehoodii ka beensheego taariikhdii uu dhashay ee aan waliba laga abaalmarin dambigaasi khiyaamadda qaran ah ee uu galay???. Beenta uu sheegay waxa inagaga darran dhaqamadda xumadda ay ku reebayso maskaxda caruurteena maanta oo ah madaxda barrito, halkii ay ahayd inuu noqdo qof masuul ah tusaale fiicana u horseeda (Role Model) oo waxa wanaagsan ay kaga daydaan. |
|