Home | Contact Us | Links | Archives |
ISSUE 3570 |
October 12, 2014 |
|
|
Suldaan Yusuf Xiiray Oo Kalsoonidii Lagala Laabtay Lana Taageeray Baaqii Jifadiisa Hoose Kalsoonidii Kala Noqdeen Yuusuf Cige Diiriye
Dood iyo Falaqayn dheer oo dhex martay xubno ka mid ah haldoorka qurba jooga beesha Cabdalle Isaxaaq ee UK ayaa waxaa laga soo saaray bayaanka hoos ku qoran: 1. In beeshu si buxda u taageerto go'aankii jufada reer Yuusuf ay soo saareen kuna bayaamiyeen inay kalsoonidii kala noqdeen suldaan Yuusuf Muxumed Xiiray. Go'aankan in la taageero waxaa kalifay ka dib markii ay cadaatay in Mudane Xiiray uu la dar-jiidhay cumaamadii Saldanada ee reerka oo dhan uu ku metelayay isagoo ku fushanaya danno gaar ah, lana dhex qaaday Saldanadii meelo iyo waxyaabo aan munaasib ku ahayn, magaca guud ee reerkana dhibaato iyo Foolxumo u soo kordhinaysa. Sidaasi darteed haldoorkani waxay si buuxda u taageereen baqaasi Mudane Xiiray jufadiisa hoose ay soo saareen. Waxay sidoo kale beesha ku boorinayaan inay si midaysan u taageeraan baaqaasi isla markaasna ilaashadaan karaamada iyo maamuuska ay ku dhex leeyihiin guud ahaan ummada afka Soomaaliga ku hadasha. 2. In si buuxda oo hagar la'aan ah la isaga kaashado horumarinta deegaanka beeshu degto oo adeegyada bulsho ee ka jiraa ay aad u hooseeyaan una baahan yihiin wax ka qabad balaadhan. Waxaana muhiim ah in beesh si wada jir ah ugu dabagasho haayadaha u xilka saaran haddii ay yihiin kuwo dawliya iyo kuwa caalamiga ah ee dalka ka shaqeeyaba oo ay dabagalaan xuquuqda muwaadiniinta deegaankaasi ku nool. 3- Waa in taladii dhaqanka ee beesha Isaxaaq Care dib loogu celiyo cuqaashii soo jireenka ahayd iyaga oo midaysna ay la wareegaan talada dhaqanka ee reerka ee saldanada guud.
Allah ayaa ceeb ka nasahan Yuusuf Cige Diiriye Sheffeild UK |
|