|
Home | Contact Us | Links | Archives |
| ISSUE 2182 | October 28,2009 Dul-Qacda 09,1430H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Qalbi Daacad Kuu Noqay Maansadan oo magaceeda la yidhaahdo Qalbi, waxa curiyey Maxamed Aadan Maxamed (Samiir), waa abwaan da’yar , islamarkaana maansadan ka soo go’aday jacayl dhab ah oo gabadh uu jecelyahay uu tiriyey, ku sifaynayo quruxdeeda iyo dabeecadeeda waxanu yidhi:- Deelayda maansada Maandayn xageedee Imikaan dareemoo Sida daruurta hoortoo Dadka haraad ka biisoo Shimbiruhuna dalabayn Had-ba baal u duulaan Dooguna salaamaha Ubaxyadu ka daateen Anna dareenka aan qabo La durduurtay manatee Dadyahow bal dhuux Halka deelka laga xushay Sacabkiin dayaamiya Aan darajo gaadhee Da’yar baan ahee Da’yareey waxaan idhi Qalbi daacad kuu noqoya Dareenkii laguu fuli Daymadii haweenkana Diiraday ka laabtay Dariiqii wqanaagiyo Ma isdaadahaynaa? Dugsi ma isku noqonaa Nacabkana dagaalkiis Deyr ma u samaynaa? Dayro hadalkii ku yidhi Duurxul ugu jawaabo Anna wad i deeqdee Halkay diiftu fuushay Durba wad habaysoo Nabar daran halbowlaha Igu dufatay dayrtii Adigaa digtoor iyo Daawadeeda helayoo Dareenkii jidhkayguna Durba waaba fay Cadaw diirsigiisiyo Namiimshaha Digrii waan ka leeyahay Daa’in-kaan ku dhaartee Waxaad daw wadaagtaan Dumar xuural cayn Qurux daa’in ku dhali Dumar waan ka roontahay Dahab wad ka darantahay Damiir waad ka wadataa Dibnahaaga hadalkee Wanaag loogu deeqee Indhahaaga dadane Dadka aan saluugina Dulqaadnimo loo daa Digniin saafiyood tidhi-baa Damac ummad ku beertee Halka kalena dihashada Dooguna xareedii Dacalada ka seexdoo Jawi dagan markay tahay Durdurada dalkeenana Shimbiruhu dabaashaan Daruur midab hadhaysiyo Jeegaan dul-joogtaad Digrii midab ka wadataa Sida mayey da’aayiyo Diirimaad cadceed iyo Marka haadu duushee Dagal hodana aragtee Dul-sabayso hawadiyo Mana soo dagaanoo Ubax dacal ka fuulaan Ayaad daw wadaagtaan Dusha midhaha guudkiyo Inta daadsan oogada Oon raad dadeediyo Dugaaguna soo marin Oo darma xariiran Diyaar kuugu tahayoo Daa’in baa ku siiyoo Dadku ay samayn karin Dareen caashaq weeye Waa dareenka quruxdaa Adna waa i deeqdoo Adaa dagey wadnahoo Daaro aad u weynoo Lagu xardhayna dahabkii Dagan tahay xabiibii Allow doonistayda Daacad baan ahee Ducada ii yeel Da’yartii markaan idhi Dibnahaaga qosolkaa Dooxaaya laabay Adna dumar ka rooneey Intay dunidu xay tahay Dadku ayba nool yihiin Darka aan anigu leeyahay Suugaan dadabteed Daahina kuu sudhay Duugoobi maysoo Darajada ku laabani Anigoo daaliyo Durduradii cadaa’iyo Daadahayna ubadkeen Daa’in baanka sugayaa Da’yareey waxaan idhi Dumarkaba adaan Kaa doortay inan yahay Daliilkuna wuxuu yahay Deganaanta hadalkiyo Dabeecadaada gaarka ah Daa’inkaa Ilaah baa Qurux kuugu deeqoo Daawashada aragana Indhahaa daraadaa Ilmada u daadshee Daakiraada subaxdiyo Duhurkiyo habeenkii Doonistaada awgeed Alla yaa i duuliya Daantay ku nooshahay Bada cas dhusheediyo Daartay dhex-joogtiyo Duleedkeeda i geeya Deris aan noqonoo Dunta aan isku xidhanee Alle deeqa badanoow Dabaylaha ma raacaa? Daruraha ma jiidhaa? Sida doonta socotana Bada ma u dul cararaa? Alla yaa u daabici Maansadayda doorkeed Dadka inaan ka doortay |