|
Boqolaal Tahriibayaal Ah Oo
Ku Qaraqmay Xeebaha Liibiya Iyo Dareenka Cabsida Leh Ee
Dhalinyarada Reer Somaliland Ee Ku Qulqulaya Dalalka Waqooyiga
Afrika
Kulmiye oo cadeeyey
mawqifkiisa ku aadan muddo kordhinta ay Guurtidu u samaysay
Madaxweynaha iyo ku xigeenkiisa
Madaxweyne Obama Oo
Socdaalkiisii U Horeeyay Ku Tegay Qaaradda Yurub
Xukuumadda Madaxweyne
Rayaale Iyo Tirada 29 Ma Faal Baa U Qabtay
Koox Suxufiyiin Ah Oo
Dhamaystay Tababar Aqooneed Ku Saabsan Xalinta Khilaafaadka
Iyo Nabada
Sirdoonka Iyo Habka Uu U
Shaqeeyo
Safarkaygii Somaliland Iyo
Wixii Aan Ku Soo Arkay 2008-2009
Dhalinyaradu Marnaba Ma
Ogola Odayaal Korkooda Ku Legdama, Lumiyana Mustaqbalkooda
Dawladdu Xayaysiiska Caano
Boodhaha Iyo Maraq Digaaga Ha iska Dayso
Wadooyin Ay Iska Kaashadeen
Dawladda Hoose Iyo Dadka Ku Nool Degmada 26 June Oo Wasiirka
Daakhiligu Xadhiga Ka Jooyey
Roobabkii Xilliga Guga Oo Ka
Curtay Somaliland
Wakiiladda Oo Cod Aqlabiyad
Ah Ku Ansixiyey Miisaaniyadda 2009, Laba Bilood Oo Fasax Ahna
Galay
|
|
Taarikhdii SNM Iyo
Mucjisooyinkeedii Guusha
Yusuf X.Maxamed Mire (Qurbaawi)
Mujaahidiinta sawirkoodu ka muuqdo halkan waxay ka mid ahaayeen
haldoorkii SNM sidii aynu soo sheegnay dilkooda laga soo maleegay
Taliskii Siyaad Barre.
Geerida
mujaahidiintaas oo xili isku dhawdhaw fushay 1987 ilaa 1988, marka laga
reebo Maxamed Mooge Liibaan oo la dilay 1984-kii.
Bal aynu
ogaano midba sida uu u go’ay.
-
Cabdilqaadir Koosaar waxa
si badheedh ah loogu toogtay Saldhigii Koonfureed ee Mustaxeel
1987-kii. Cabdilqaadir waxa uu ahaa guddoomiyihii saddexaad ee
ururka xoraynta Soomaaliyeed ee SNM 1983 ilaa 1984-kii.
-
Aadan Sheekh Maxamed waxa
uu ahaa guddoomiye ku xigeenkii ururka SNM 1983-1984, Wasiirkii
Gaashaan dhiga 1984-1985, waxa lagu dilay magaalada Jigjiga isaga
iyo Mujaahid kale oo la odhan jiray Macalin Siyaad 1987.
-
Mahdi Cali Faarax waxa uu
u dhintay Beerka isaga oo tuhun uun lagu qabay in si uun beerkiisa
wax loo gaadhsiiyey, waxa uu ahaa taliyihii xarunta tababarka guud
ee Awaare 1984-1986, halkaas oo ahayd warshadii ciidamadu ka soo
bixi jirtay.
-
Ibaraahim Ismaaciil
Koodbuur waxa uu ahaa taliyihii hawlgalkii Birjeex 1983, noqdayna
abaanduulihii ururka xoraynta ee SNM 1984-1985, waxa uu u dhintay
xanuun halis ah oo beerka kaga soo booday, taas oo uu ka dhashay
tuhun in la sumeeyey.
-
Mujaahid Yaasiin oo
halkan aynaan sawirkiisa ku haynin waxa uu ahaa tababarihii miinada
ee ururka xoraynta, waxa lagu dilay tuulada Qabri Bayax halkaas oo
gudun qoorta lagaga gooyey.
-
Maxamed Mooge waa
haldoorkii fanka soomaaliyeed iyo macalinba halgankana waxa uu u
ahaa muraayad lagu soo hirto, waxa uu si kama’a ah ugu dhaawacmay
xarunta tababarka aware 1987-kii. Waxa hor loogu waayey warqadii
fasaxa ahayd ee jidka Awaare iyo Dhagaxbuur lagu marin lahaa,
habeenkaas oo uu magaalada Awaare lagu bariyey ayaa cadawgu dhabo
gal uga galeen goob u dhaxaysa Awaare iyo Dhagaxbuur, gaadhida lagu
qaaday oo ahayd gawaadhidii shacabka lagala wareegay, gaadhigaas oo
lagu magacaabi jiray Xaawa iyo Aadan ayaa dhagaxbuur lagu qaaday
isaga oo ay sideen mujaahidiin iyo saraakiil kale oo ay ka mid
ahaayeen Aadan Ali Guhaad, Geel-qaad iyo Daauud.
|