|
Home | Contact Us | Links | Archives |
|
ISSUE 2481 |
October 13, 2010 Dul-Qacda 05,1431H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Djibouti Oo Isu Dhigtay Xudunta Marinka Dirista & Dajinta Badeecadaha Iskaga Goosha Wadamada Afrika Een Badda Lahayn Iyo Caalamka Waxay Hirgaliyeen Dekaddii Ugu Baaxada Waynayd Geeska Iyo Bariga Afrika & Xero-Guushii Isu-Gudubka Ganacsiga Xorta Ah (Free Zone) Djibouti, October 13, 2010 (Haatuf) - Djibouti ayaa sanadahan danbe isu dhalan rogtey adhaxda ganacsiga isaga gooshaya qaar ka mid ah wadamada Afrika ee aan badda lahayn iyo caalamka intiisa kale, taas oo ay isu hanaanisay yeelashada Dekaddo iyo farsamooyin xamilkooda leh oo ay ku qoondeysteen inay noqdaan xudunta marinka isku xidha ganacsiga u kala socda dalalka Afrika een badduhu u daloolin iyo caalamka. Mashaariicda ay dawlada Djibouti ku tiigsanayso himiladeedan ayaa waxa ka mid ah dhismaha Dekadda Konteenarada ee baaxada leh iyo Dekadda Dhuumaha iyo Haamaha Shidaalka, kuwaas oo dhawaan faraha laga qaaday, lagana dhisay xeebta Dooraale ee duleedka caasimada Djibouti, isla markaana lagu hirgaliyey lacag ku dhaw dhaw Lixboqol oo Milyan oo Doolar. Waxa kale oo mashaariicda u qabsoontey ka mid ah buqcadda Xero-Guushka ballaadhan ee lagu dhixiyo isaga-gudubka Badeecadaha Gadislayda (Free Zone) taas oo bilawgeedii 2004-tii loo asteeyey dhul 32 Hectre ah, balse sanadihii danbe lagu daray 280,700 sqm laga dhisay bakhaaro waawayn oo lagu keydiyo alaabooyinka safraha iyo qayb kale oo loogu talo galay in ganacsatada shisheeyaha ahi ay ka samaysan karaan warshado fudud oo wax soo saarkooda intey ku suntaan “Made in Djibouti” ay sayladaha caalamka u iib geeyaan. Mashaariicdan iyo kuwa kaleba waxa maalgashigooda lahaa gaashaanbuurta “Dubai World” ee dalka Imaaraadka Carabta, taas oo sanadkii 2000 ay xukuumada madaxwaynaha Jibouti Ismaaciil Cumar Geelle heshiis kula gashay inay maalgaliso, isla markaana maamusho Dekaddii hore ee Djibouti. Heshiiskaas oo mudadiisu ahayd 20 sano waxa lagu bilaabay hagaajinta maamulkii Dekaddii hore, taas oo lagaga gaadhay heer lagu casriyeeyey korna loogu qaaday tayada iyo awoodda adeegyadii ay u fidinjirtey Maraakiibta iyo Ganacsatada macaamiisheeda ah. Heshiiskan waxa ka sii dhashay mid kale oo ay Djibouti iyo Dubai World iska kaashadaan hirgalinta mashaariic ee ay ka mid yihiin Dekadda Koonteenarada ee Dooraale, taas oo ah ta ugu casriyeysan uguna baaxada wayn geeska iyo bariga Africa. Iskaashigaas waxa kale oo ka sii farcamay mashaariic kale oo ay hirgaliyeen shirkado hoostaga dallada “Dubai World” kuwaas oo ku dhiiraday inay Djibouti ka dhisaan Hotel Jibouti Kempiniski Palace, kaas oo loogu talo galay inuu haqabtiro adeegyada martida heerarka ugu sareeya. Hadaba wariye Haatuf ka tirsan oo dhawaan booqday Jibouti ayaa waxa uu u kuurgalay inuu wax ka ogaado waxyaalaha u saamaxay xukuumada dalkaasi inay ku guuleysato inay hesho Maalgashigaa ay ku fulisay horumarkan wayn ee dhinaca ganacsi iyo dhaqaaleba leh ee dalkaas haatan ka muuqda. Warbixintaas oo faahfaahsan waxaad kala socon doontaan Cadadyada danbe. |