|
Home | Contact Us | Links | Archives |
|
ISSUE 2447 |
September 03, 2010 Ramadan 24,1431H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Lama Filaan Waa Qiso xambaarsan jacayl iyo muruugo badan oo dhex martay laba gabdhood iyo wiil jamacad wada dhiganayay kana waramaysa jiritaanka calafka. W/Q: Qoraa Mukhtaar Cabdi Sheekh (Bulshaawi) mukho4me@hotmail.com (Q.3aad) Hallo Khaalid Hallo Hodan Ii waran Khaalid ma fiican tahay cafimadkaaga, dalxiiskii kadibna laguma aragba ee halkeed maratay sow asxabta lama xidhiidhiyo. Hodan aad baan u fiicanahay walal casharadii iyo courses-ka aan qadanayay ayaa igu batay sidaa darteed ayaan haleel u wayay ee maalin walba niyada ayaan kugu qabtaa. Waxba malaha ee waayaha ayaa iska badan oo imika cidiba isma haleesho. Haa Hodaneey qofwalba waayihiisa u gaarka ah ayaa mashquuliyay. Khaalid maanta waan ku soo salamay uun ee goorma ayaynu kulanaa oo iswaraysanaa Walaal habeen danbe waa jimce ee hadaad firaaqo hayso waa inoo habeen danbe 7:00 fiidnimo. Wayahay ee macasalaama. Wayahay ee waxan kaa ilaaway ma anaa kuu yimaada, mise adaa ii iman Hodan Intay yara qosashay ayay tidhi Maya ee anaa kuu imanaya Khaalidow Wayahay ee jaw Ok jaw. Allow qof aan waxba ogayn ha cadaabin Khaalidna farxada ka dhacaysa mamalaynaysid iyo riyooyinka mala awaalka ah ee uu naftiisa ku maaweelinaayo Hodana talaa ku caddaatay waxa ay ula tagtana way garan ladahay iyadoo isla hadlaysan ayay mar leedahay u tag marna ka baaqo oo iska joog ileen naf wax jecel weeyaane qof kay iyadu rabtay ayay qofkale ugu sheegyaysaa jacaylna u ogalaanaysaa in qof aan iyada ahayani la wadaago nolol iyo jacayl wiilkii ay calmatay lakiin jacaylka dhamaantii ayaa iska ah in qofi qof kale jeclaado ka la jecel yahayna midkale caashaqa iyo jacaylkuba waa iska daba wareeg Hodan inta ay indhaha isku qabatay ayay go’aan saatay inay balantay ka qaaday Khaalid iyo Hodanba siddeedii u fuliso kuna dhaqaaqdo siddii ay labadoodaba iskugu keeni lahayd waxayna u diyaar garoowday kulanka ay la lahayd Khaalid oo isna farxadi u dhaamaatay kuna hanwaynaa inuu maanta jacaylkiisa sheegto isagoo naftiisa ku qancin jiray inay Hodana ka heshay oo ay iyadu soo xasuusatay markii ay is hayn kari wayday lakiin arin sida uu moodayo maaha ee waxa ay u wadaa jacayl ay saxibadeed ka wakiil tahay. Goobta uu kulanku ka dhacayaa waa guri u sii diyaariyay Khaalid dayaxuna waa afar iyo tobanaad jawiguna waa dirimaad aan dhaxan lahayn iyadoo si qurux badan u soo labisaatay ayay gurigii timid markii horena uu Khaalid Baska ka soo kaxeyay isagoo habeenkaas u diyaara inuu qaabilo naf uu jecel yahay iyaduna jecel lakiin aan midna midka kale u ogayn. Aragti uu Khaalid arko Hodan waxa ugu danbeeyay dalxiiskii uu ku jeclaaday ee Buurta Daallo waxaana darenkiisa soo jiitay midabkeeda dhalaalaya iyo dharka bilicda leh ee ay soo xidhatay Hodan oo iyadu ugu soo talo gashay inay jeceshaay lakiin aan calafku is raacin waxayna daqiiqado yar kadib fadhisteen qolkii fadhiga oo aad u sharaxan naftuna ay ku dagayso quruxda iyo qalabka yaal awgiis waxaana markiiba hadalkii bilaabtay Hodan oo tidhi:.. La soco............ |