|
Home | Contact Us | Links | Archives |
|
ISSUE 2460 |
September 19, 2010 Shuwal 10,1431H | |
|
Madaxweyne Obama Oo Socdaalkiisii U Horeeyay Ku Tegay Qaaradda Yurub Xukuumadda Madaxweyne Rayaale Iyo Tirada 29 Ma Faal Baa U Qabtay Koox Suxufiyiin Ah Oo Dhamaystay Tababar Aqooneed Ku Saabsan Xalinta Khilaafaadka Iyo Nabada Sirdoonka Iyo Habka Uu U Shaqeeyo
Safarkaygii Somaliland Iyo Wixii Aan Ku Soo Arkay 2008-2009 Dhalinyaradu Marnaba Ma Ogola Odayaal Korkooda Ku Legdama, Lumiyana Mustaqbalkooda Dawladdu Xayaysiiska Caano Boodhaha Iyo Maraq Digaaga Ha iska Dayso Wadooyin Ay Iska Kaashadeen Dawladda Hoose Iyo Dadka Ku Nool Degmada 26 June Oo Wasiirka Daakhiligu Xadhiga Ka Jooyey Roobabkii Xilliga Guga Oo Ka Curtay Somaliland Wakiiladda Oo Cod Aqlabiyad Ah Ku Ansixiyey Miisaaniyadda 2009, Laba Bilood Oo Fasax Ahna Galay
|
Fadeexaddii Ka Dhacday Xeebaha Galbeed Waxaa Ka Sii Daranta Ka Dhacday Boorame Ee Lagula Baxay Maxaabiistii Loo Hayey Falkaa C/risaaq Suudi Nuur, Hargaysa Somaliland iyada oo ay ummaddu la yaaban tahay fadeexaddii ka dhacday xeebaha galbeed Somaliland ayay mar kale maqleen maxaabiistii falkaa loo soo qabtay waxa lagala baxay Saldhiga dhexe ee Boorame. Hadaba isweydiintu waxa ay tahay qaab dhismeedka xukuumadda cusub qayb maka yahay hoos u dhaca ku yimid dhinaca ammaanka? Jawaabtu waa Haa waxaana taa u daliil ah magcaabista Suldaan Cilmi Rooble Fure loo magcaabay taliyaha ciidanka booliska ee Somaliland. Hadaba waxaa faahfaahin u baahan in aynu ka bixino waa maxay shaqada Suldaanku, waa maxayse shaqada boolisku? Markaa laga yimaado adeegyada danta guud suldaanku wuxuu qaabilsan yahay furdaaminta ama siideynta intii awooddiisa ah dadka la xidho ee uu Suldaanka, shaqaaqada booliskuna waa mid taa aynu soo sheegnay waa mid taa aynu soo sheegnay lidi ku ah ama ka soo horjeedda. Boolisku waa birlabta ama megnadda loogu talo galay soo qabashada eedaysanayaasha ama dambiilayaasha waxaanay dad badani isweydiinayaan suldaan taliye boolis ahi shaqada uu qaban karaa inta ay leegtahay? Shakhi kuma jiro suldaan Cilmi Kabaal inuu xilligii ina Cigaal uu ahaa taliyihii booliska Somaliland, laakiin lagama tagi karo in mudadaa kadib lagu daadiyey caano loona caleemo saaray derejada suldaannimo, sidaana uu kaga mid noqday madaxda dhaqanka ee Somaliland, awood ciidana maanta waxba kagama qaban karo dhibaatooyinka ka jira Boorame iyo galbeedka Somaliland. Guri haddii la dhiso oo seeskii qalooc yari ku jiro suura gal maaha inuu haggaago, maaha maah Soomaaliyeed baa jirta oo tidhaahda Wadaanta Yeesha Qaloocataa Faylkay La Tagtaa. Mid kalena waxay tidhaahdaa Alif Kaa Qaloocdaa Albakhra Kaagama Hadho. Hadaba madaxweyne Siillaanyo waxaan xauusin lahaa haddii aad sixi weydo qaab dhismeedka xukuumadaada waxaad noqon doontaa siddii ninkii yidhi Fartayda Yaa Subaga Daray. Waxaan kale oo aan odhan lahaa waxaad dalkan ku hoggaamin kartaa haddii aad noqoto nin leh go’aanka kama dambaysta ah sidii madaxweynihii Masar alla ha u naxariistee Anwar Al saadaad oo kale, waxaana habkii uu u go’aan qaadan jirey wax laga weydiiyey markii uu geeryoodey xaaskiisii waxayna sheegtay sidan. Marka uu go’aan kama dambays ah qaadanayo waxaa caado ahaan jirtey inuu galo oo fadhiisto qol isaga u gaar ahaa, inta uu qolkan ku jiro wax kafay ah waxaan ahayn ma uu cabi jirin, anigu waan dabeecad aqaanay oo marka aan arko in uu qolkii galay markiiba waxaan u diyaarin jirey kafaygii uu cabi lahaa, inta uu qolka ku jirona ciddi uma ay geli jirin, marka laga reebo aniga oo marka aan qolka ugu galo ee kafayga u saaro miiska horyaalla wax hadal ah isma aanaan weydiin jirin, waxaana uga soo bixi jiray si deg deg ah inta aan kafayga dhigo. Waxaana la weydiiyey marka uu qolkaa galo ee uu go’aanka qaadanayo inta uu ku jiri jirey waxayna ku jawaabtay “Waxay ku xidhnaan jirtay marba arrinta uu ka fekerayaa inta ay leegtahay, waxaanay waxayna sheegtay mudadii ugu dheerayd ee uu qolkaa ku jirey saacad iyo badh ama sagaashan daqiiqo, waxaanay ahayd maalintii uu ku go’aan qaatay in uu hab sulux ah ku soo celiyo dhulkii ay yuhuuddu ka qabsatay Masar dagaalkii carabta iyo yuhuuda ee uu sida shuruud la’aanta ah uga degey Talaabiid, ugana khudbadeeyey Baarlamaanka yuhuuda sanadkii 1977-kii, dowladda yuhuudana la saxeexatay heshiis nabad gelyo waxaana si badgelyo ah ku soo noqday dhulkii ay yuhuudu ka haysatey Masar oo qaybtii ugu dambaysey oo ahayd buuralayda Siinay ay gacanta dowladda ku soo noqotay sanadkii1985-kii. Hadaba haddii uu Anwar Saadaad uu ku go’aan qaatay sagaashan daqiiqo oo keliya arrinta uu miisaankeedu intaa leegyahay, madaxweyne Siillanyo muddo intee leeg ayuu ku go’aan qaadan doonaa marka la eego halista nabad gelyo darro ee ka soo korodhay galbeedka Somaliland? Hadaba Marka aan isku soo wada duubo go’aan qaadasha Siillaanyo inay noqoto mid uu kafayga u cabo siddii Anwar Saadaad oo kale iyo in ay noqoto mid meelo kale ka timid. Afqarsheba Siduu Yidhi La Arki Doonee. C/risaaq Suudi Nuur, Hargeysa Somaliland 4425243 |