Haatuf News

Home | Contact Us | Links |  Archives

Boqor Buur-Madow Oo Ka Digay Qorshe Ay Djibouti Xoolaha Soomaalida Heshiis Kula Soo Gashay Ganacsato
Sucuudiyiin Ah In Laga Dhoofiyo Dekedeeda

Golayaasha Baarlamaanka Somaliland Oo Khabiir Ka Socda Kenya Casharo Siiyey

Axsaabta Mucaaradka Ah Ee Boorama Oo Ka Hadlay Heshiiska Golayaaha Qaranka Qaarkood Ee Lagu
Gaadhay Magaalada Sheekh

Madaxweyne Geelle Muxuu Uga Dan Leeyahay Doca-docaynta Somaliland?

Vacancy: Environment project manager

Taariikh Nololeedkii Marxuum Xaaji Mahdi Maxamuud Hurre (Buubaa)

TACSI

Maxay Ku Kala Gedisan Yihiin Hab-Dhaqanka Maamul
Ee Madaxweyne Rayaale Iyo Marxuum Cigaal?

Maxkamadaha Muqdisho Oo Ku Casuumay Mujaahidiinta Muslimiinta Dunida Inay Kala Soo Qayb-galaan Dagaalka Ay Itoobiya La Galayaan

Muqdisho, November 29, 2006 (Haatuf) – Dawladda Maraykanka ayaa maanta la filayaa inay golaha amaanka ee Qaramada Midoobay horkeeno mashruuc xeer oo qabyo ah oo ay ku doonayso in cuna-qabataynta hubka lagaga qaado dalka Somalia ee ay dagaaladu halakeeyeen si midawga Afrika ciidamo nabad ilaalineed ugu diro dalkaasi.
Afhayeen u hadlay aqalka cad ee Maraykanka oo la yidhaahdo Ben Chng ayaa sheegay in dawladiisa ay arbacada maanta hordhigi doonto amaanka ee Qaramada Midoobay qaraar ku saabsan sidii cuna qabataynta hubka looga qaadi lahaa Somalia, si ciidamo nabad ilaalineed oo ka socda Midawga Afrika loogu diro halkaasi, kuwaasi oo xoojin doona dawladda Imbagathi ee fadhigeedu yahay magaalada Baydhabo.

Qaraarkan ay dawladda Maraykanku wadato ayaa la sheegay inay taageersan yihiin dawladaha Ingiriiska iyo Faransiiska oo iyaguna xubno ka ah golaha amaanka ee Qaramada Midoobay.

Hase yeeshee, labada dal ee Ruushka iyo Shiinaha oo iyaguna Qaramada Midoobay ayaan iyaga la ogayn inay tageeri doonaan qorshahan iyo inkale.

Sidoo kale mudne k tirsan Guddiga Siyaasada Arrimaha Debad ee aqalka Odayaasha Maraykanka ayaa todobaadkan oo dhan olole uu taageero ugu doonayo siyaasada dalkiisa ee ku aadan Somalia ka waday dalalka Itoobiya iyo Kenya. Mudanahan oo magaciisa la yidhaahdo Russ Feingold ayaa warsaxaafadeed uu soo saaray ku sheegay inuu masuuliyiinta labada dal kala hadli doono sidii nabad waarta loogu soo dabaali lahaa dalka Somalia iyo ka hortaga argagixisada.

Dhinaca kale Maxkamadaha Muqdisho ayaa ayaa iyaguna ugu baaqay kooxaha muslimiinta ah ee mujaahidiinta ah ee ka hawlgala dunidu inay yimaadaan Somalia oo ay u diyaar garoobaan jihaad lagu difaacayo Somalia, haddii cuna qabataynta hubka laga qaado Somalia.

Madaxa Amaanka u qaabilsan Golaha Maxkamadaha Yuusuf Indhacade ayaa isaga oo arrintaasi ka hadlaya yidhi. “Waxaanu ugu baaqaynaa muslimiinta caalamka inay u diyaar garoobaan jihaad, waxaana u fasaxaynaa dalkayaga muslimiinta caalamka haddii Qaramada Midoobay qaado cuna qabataynta hubka ee saaran Somalia”.
Waxaanu intaasi raaciyey in qorshahan la doonayo in cuna qabataynta hubka lagaga qaadayo Somalia ay dabada ka riixayso dawladda Itoobiya, iyada oo uu Maraykankuna u ololaynayo. “Maraykanka ayaa u ololaynaya qaraarkan xayiraada hubka lagu qaadayo, isaga oo uga dan leh si ay Itoobiya dagaal ula gasho maxkamadaha”.
Hase yeeshee, Indhacade waxa uu beeniyey in Maxkamaduhu cadaw u yihiin dawladda Itoobiya, isla markaana aanay waxba ka jirin war laga soo xigtay Ra’iisal Wasaaraha Itoobiya Meles Zenaw oo maxkamadaha hore ugu eedeeyey inay khatar ku yihiin nabadgelyada dalkiisa.

Ugu dambayn Indhacade waxa uu ugu baaqay dadka Itoobiyaanka inay iska xoreeyaan wax uu ugu yeedhay maamulka madaxa adag ee haatan ka taliya Itoobiya.
Labada dhinac ee Itoobiya iyo Maxkamadaha ayaa beryihii la soo dhaafay hadalo kul-kulul isku weydaarsanayey warbaahinta, waxaana laga cabsi qabaa inuu dagaal labada dhinac ku dhex maro gudaha Somalia goor ay noqotaba waqti aan dheerayn.
Hase yeeshee, Hay’adda ka hortaga qalalaasaha adduunka ee ICG ayaa ka digtay in dagaal ka qarxa Somalia uu ku fidi karo gobolka Geeska Afrika oo dhan, isla markaana ay Somalia noqon karto meel ay ku dagaalamaan dawladaha Itoobiya iyo Ereteriya.

Top

“Xukuumadda Somaliland Waa Inay Xoolahaas Joojisaa Oo Aanay Ka Dhoofin Dekedda Djibouti Oo Xuduudaheena La Xidhaa”

Hargeysa, November 29, 2006 (Haatuf) – Boqor Cismaan Aw Maxamuud (Buur-Madow) ayaa uga digay xukuumadda iyo shacbiga Somaliland qorshe ay xukuumadda Djibouti heshiis kula soo gashay ganacsato Sucuudiyaan ah oo ay doonayso inay xoolaha Soomaalida kaga dhoofiso dekeddeeda magaalada Djibouti, isagoo sheegay in muddo laba maalmood ah ay magaalada Djibouti ku sugnaayeen ganacsato Sucuudiyaan ah iyo ganacsato kale oo Muqdisho ay uga yeedhay xukuumadda Djibouti si ay qorshahan uga dhaadhiciso.

Boqor Buur-madow oo xalay khadka telefoonka kula soo xidhiidhay Wargeyska Haatuf isagoo jooga magaalada Dubai ee Isu-tagga Imaaraadka Carabta, waxa uu ugu baaqay Xukuumadda Somaliland inay xuduudaheeda xidhato, isla markaana shacbi iyo xukuumaddba la foojignaado in xoolahooda ay Djibouti tagaan, isagoo tallaabadan ku tilmaamay inay mid lagu wiiqayo dhaqaalaha yar ee ay Somaliland ka hesho xoolaha nool, isla markaana ay tahay mid gebi ahaanba lagu xidhayo dekedda Berbera oo ah isha keliya ee dhaqaaluhu ka soo Somaliland.

Boqor Buurmadow waxa kale oo uu sheegay in wakhtigan oo uu foodda inagu soo hayo mawsimkii Xajka oo ganacsatada Sucuudigu u baahan yihiin xoolo farabadan, ayay xukuumadda Djibouti doonaysaa in xoolaha Soomaalida ay uga faa’iidaysato xayiraadda Sucuudigu hore u saaray xoolaha Soomaalida, taas oo la ogaaday inaanu jirin wax xanuun ah oo ay qabaan xoolaha Soomaalidu, balse ay tahay sababta loo diiday in xoolaha Soomaalidu ka dhoofaan dekedda Berbera arrimo siyaasadeed oo ay dawladaha carabtu ay kaga soo horjeedaan Somaliland, waxaanu Boqor Buur-madow ugu baaqay xukuumadda Somaliland inay dadka u sheegto dagaalka ay Djibouti kula jirto dekedda Berbera iyo curyaaminta Dhaqaala Somaliland, isagoo dhinaca kalena ugu baaqay xukuumadda Somaliland inay xadka Djibouti ay la leedahay xidho si aan qorshahaa ay maleegayso Djibouti ugu hirgelin.

Boqor Cismaan Aw Maxamuud waxa uu ugu horeyn hadalkiisa ku bilaabay oo uu yidhi: “Maamulka Djibouti wuxuu intii burburkii dalkii Somalia la odhan jiray uu dhacayba doonayay inay ka faa’iidaystaan khayraadka Somaliland iyo Soomaaliyadii kale ee burburku ku dhacay. Waxaan doonayaa inaan uga digo shacabka iyo Xukuumadda Somalilandba arrin soo kordhay oo beryahaaba isa soo taraysay oo ay wadeen niman tijaar ah Sucuudi ah iyo xukuumadda Djibouti ay doonayaan inay xoolihii Somaliland, kuwii Soomaaliyadda kale iyo kuwii Kililka 5aad ee Soomaalida ka tegi jiray ee dekedda Berbera ka dhoofi jirayba inay u wareejiyaan dekedda Djibouti xoolaheenii si dhaqaalaheenu u wiiqmo. Runtii Djibouti maaha meel dhaqaale leh, waxay kor ugu soo kacday oo ay ka faa’iidaysatay burburkii iyo dhibaatadii dhacday, wax alaale iyo waxay ku nooshahay waa khayraadkii ummaddii dalkii laysku odhan jiray Somalia ee ay inaguna ka mid ahaan jiray. Waxay indho-sarcaad u dhigtay dadkii maal-gashiga, sidaad ogtahay wuxuu khasaare ka soo gaadhay nimankii tijaarta ahaa ee Imaaraadka Carabta Dubai ee ku maalgashaday malaayiinta, way ku khasaareen beentii ay u sheegeen. Hadeerna waxay indho-sarcaad u dhigeen niman Sucuudi ah oo ay yidhaahdeen xoolihii Somaliland iyo Somalia ayaanu keenaynaa Djibouti, taas oo ay soo casuumeen niman tijaar ah oo jooga Xamar, markay ka quusteen ganacsatadii reer Somaliland oo aan iyagu marna ka raali noqonayn inay dekedooda Berberi burburto. Markaa waxaan leeyahay shacbiga iyo xukuumadda Somaliland in lagu baraarugo lagana dagaalamo inay xoolaheenu ka dhoofaan dekedda Djibouti.”

Mar la weydiiyay Boqor Cismaan Buur-madow goorta ay tijaarta uu sheegayaa yimaadeen iyo inuu cid ka garanayo, waxa uu ku jawaabay oo uu yidhi: “Adeer ma doonayo inaan magacaabo, waanan garanayaa oo waa rag ganacsato ah oo aanu iswada naqaano, laba cisho ayaanay imika Djibouti ku sugan yihiin, ilaa berina war baad ka maqli doontaan, meelihii xoolaha lagu naaxinayay way sameeyeen, wayna dhammaystireen, xadhigga in imika laga jaro oo xoolihii la dhoofiyo ayaa la doonayaa, waxaanay hadda xod-xodasho u wadaan dadkii xoolaha ka dhoofin lahaa, markaa waxaan odhan lahaa Somaliland waxa keliya ee ay ku nooshahay waa xoolahaa la doonayo inay ka dhoofaan Djibouti, xukuumaddeenu waxay ku kala socotaa waa cashuurta yar ee aynu ka helno, waxaan leeyahay xukuumadda Somaliland waa inay xidhaa xadka Djibouti, shacbiguna waa inuu ka soo horjeestaa inay xoolahoogu ka dhoofaan meel aan Berbera ahayn.”

Sida la ogyahay horaantii sannadkan iyo dabayaaqadii sannadkii hore ayaa warbaahinta Somaliland lagu soo daabacay warar sheegayay inay dawladda Djibouti heshiis kula soo gashay ganacsato Sucuudi inay xoolo ka soo dhoofiyaan dekedda Djibouti, isla markaana maalgelin ku sameeyeen dhismaha karantiinada xoolaha oo laga dhisay dalka Djibouti, qorshahaas oo ay Djibouti ku doonaysay inay xoolaha Soomaalida dekedeeda ka dhoofiso, hase yeeshee xukuumadda Somaliland ayaa arrintaas dhawr jeer gaashaanka ku dhufatay, warkaasna ku tilmaamay mid aan waxba ka jirin. Haddaba Boqor Buur-madow oo la weydiiyay sababta ay xukuumadda Somaliland u beeninaysay arrintaas ayaa waxa uu ku jawaabay: “Waad arki doontaan oo waa war cad, telefiishan Djibouti 24ka saacadood waa laga soo daynayaa xayeysiiskiina wuu ka socdaa, waxaan leeyahay arrinkaasi maaha mid laga iska yidhi, warkaas aan ku hadlayaana waa mid aan iska hubo, waxaan ka codsanayaa xukuumadda Somaliland waa inay xoolahaas joojisaa oo aanay ka dhoofin dekedda Djibouti oo xuduudaheena oo dhan la xidhaa.”

Boqorku waxa uu sheegay inuu arrinta Madaxweynaha Somaliland, Daahir Rayaale Kaahin kala xidhiidhay oo la socodsiiyay, waxaanu yidhi: “Haa, Madaxweynaha ayaan telefoon kula xidhiidhay oo waan u sheegay,” hase yeeshee Boqor Buur-madow oo la weydiiyay waxa uu Madaxweynuhu ugu jawaabay ee uu arrintaas ka yidhi ayaa yidhi: “Madaxweynaha waan u sheegay, jawaabtiisiina ma doonayo inaan hadda halkan kaga hadlo, laakiin si fiican ayaanu isku af-garanay.”

“Ganacsatada Sucuudigu xooley doonayaan, xoolaheenuna way caafimaad qabaan waanay ogyihiin, xoolahay rabaanna waa kuweena, ganacsatada Sucuudigana waynu is-naqaanaa Djibouti weligood xoolo kamay qaadan xoolana ma leh, xoolaha Somaliland iyo kuwa Somaliyana way yaqaanaan, hadday xoolo rabaan annaguna suuqii baanu rabnaa, hadday karaamadayada, sharaftayada, dantayada iyo khayraadkayaga ka horyimaadaana waxa weeyaan ceeb kale ma jirto siday xoolahayaga nooga joojiyeen ayaanu annagu xoolahayagu inay si koontarabaan ah ugu tagaan inaanu ka joojino ayaa xil naga saaran yahay, xalka qudhi waxa weeyaan inay annaga toos noola macaamilaan oo dadka reer Somaliland ee ay weligood wada macaamilayeen la xidhiidhaan oo ay la macaamilaan weeye. Xukuumaddu arrinkaas dadka hakala hadasho ayaan leeyahay oo yaanay u aamusin, shacbiga iyo xisbiyaduna waa inay ku baraarugaan, carabtuna way yaqaanaan Berbera, Berberina wax go’ lagu ka weyn, Djibouti way danaysanaysaa inaguna inaynu danteena ilaashaano ayaa muhiima,” ayuu yidhi Boqor Cismaan Buur-madow oo ka jawaabayay su’aal la weydiiyay oo ahayd in xal aan xidhista xuduudda Djibouti ahayni jiro.

Boqor Buur-madow oo la weydiiyay in isaga laftiisa damac ka jiray dhoofinta xoolaha ee dhinaca Sucuudiga oo uu beryahan dambe ku mashquulsanaa, waxaanu isagoo su’aashaas ka jawaabaya yidhi: “Adeer weligayba adhiile ayaan ahaa, imikana nimanka Sucuudiga ah waan la xidhiidhi jiray, xoolaan u diri jiray, imikana waan la xidhiidhay, waanan u sheegay in wax ay Djibouti xoolo u keeni karaysaa aanu jirin. Arrinka kale ee khatarta lihi waxa weeyaan caws meel ay ka gooyaan ma leh, waxay doonayaan inay xaalufiyaan oo ay gawaadhida u soo dirtaan cawska oo ay ka qaataan Somaliland, waayo cawskii ay Sucuudiga u dirteen qaali buu ku noqday. Anigu dedaalkii aan ku jiray ee xoolaha iyo nimankii ganacsatada ee aan xidhiidhka la lahaa dedaalkoodii way wadaan, balse indho-sarcaadka ay Djibouti dhigayso waa inuu beenoobo oo aynu cawskeena iyo xoolaheena ilaashano weeyaan.”

Dhinaca kale, warar aanu ka helnay ilo xog-ogaal ah oo Djibouti ku sugan ayaa sheegay in ganacsato tijaar ah oo Sucuudiga ka timi ay dhowaan yimaadeen dalka Djibouti oo ay dhawr maalmood halkaas ku sugnaayeen, kuwaas oo sida la sheegay uu ka mid yahay ganacsadaha weyn ee dhinaca Xoolaha ee magaciisa la yidhaahdo Mukeerish iyo ganacsato kale oo ka socotay Baanka Islaamiga ee dalka Sucuudi Carabiya, waxaana joogistooda magaalada Djibouti lagu sheegay inay la xidhiidho qorshe ay doonayaan inay xoolihii xilliga Xajka kaga dhoofsadaan dekedda Djibouti, xoolahaas oo la sheegay inay dhinaca Somaliland iyo Itoobiyaba uga iman doonaan.

Top

“Anagu Qaabka Aanu Hadda Abaaraynaa Waa In La Aqoonsado Somaliland, Waxaananu Ku Dedaalaynaa Inay Ka Qayb Gasho Kulanka Ugu Horeeya Ee IGAD Oo Ay Goob Joog Ka Noqoto”

Hargeysa, November 29, 2006 (Haatuf) – Mudanayaasha golaha Wakiilada Somaliland ayaa tababar ku saabsan habka ay baarlamanaadu u shaqeeyaan, xeerarkana u dejiyaan uga furay hoteelka Maansoor ee magaalada Hargeysa.

Furitaankii tababarkaasi oo uu khudbad ka soo jeediyey Gudoomiyaha golaha Wakiilada Somaliland C/Raxmaan Maxamed C/laahi (Ciro) ayaa kaga waramay ujeedada tababarkan, uu ku sheegay in muddada uu socdo ay mudanayaashu ku falanqayn doonaan habka ay baarlamaanadu xeerarka u dejiyaan, isla markaana ay u wada shaqeeyaan golayaasha iyo xukuumaddu, isaga oo isla markaana sheegay inuu casharo ka bixin doono Prof. Meul Petter oo ka mid ah baarlmaanka dalka Kenya oo khibrad ay u hawlgaleen, golayaasha baarlamaanku.

Dhinaca kale, waxa isaguna halkaasi hadal ku soo jeediyey Meul Petter oo khabiirka, casharada bixin doona tababarka, waxaanu sheegay in Somaliland ay buuxisay shuruudihii qaran looga baahnaa, islamarkaana taagan tahay meeqaamkii lagu aqoonsan lahaa, wakhtigan xaadirka ah, Somaliland.

Dhinaca kale, mudanayaasha golaha Guurtida Somaliland ayaa tababar la mid ka golaha wakiilada, iyagoo isla shalay galab uu uga furmay xarunta golahooda.
Gudoomiye ku xigeenka koowaad ee Guurtida Sheekh Axmed Nuux oo furitaankii tababarkaasi khudbad ka soo jeediyey ayaa sheegay in golaha Guurtida Somaliland uu qayb libaax ka soo qaatay dib u dhiskii dawladnimada iyo geedi socodka dimuqraadiyadda Somaliland, isaga oo intaa ku daray inay gole ahaan soo dhawaynayaan tababaro noocan oo kale ah oo mudanayaasha loo qabto.

Intaa ka dib waxa isagu halkaasi khudbad isugu jirta, habka ay golayaashu u shaqeeyaan iyo xaaladaha Afrika ku soo kordhay geeska Afrika ka soo jeediyey Prof. Meul Petter oo ka mid ah baarlamaanka dalka Kenya, waxaanu khudbadiisii ku bilaabay “Golihiinan Guurtidu door weyn ayaad ku lahaydeen dejintii iyo dib u dhiskii dalkiinu soo maray,a nigu mac-hadka IRI kama tirsani,balse isaga ayaa iga codsaday inaan waaya aragnimada aan u leeyahay masuuliyada golayaasha baarlamanka idinla qaybsado, anigoo muddo dhawr iyo toban sannadood ah ka soo tirsanaa baarlamanka Kenya, waxaanan muddo dheer gudoomiye ka soo ahaa xisbigii KANU ee dalka Kenya soo xukumi jiray, Somaliland-na ayey soo martay wax badana way soo qabsatay.

Idinku waxaad ku guulaysateen inaydin distuur samaysataan, mana jirto mujtamac caalamka ku nool oo aanu dhexdooda ka dhicin, iska horimaadyo iyo khilaafaad, waad ogtihiin intii dawladood ee geeska Afrika ku fashilmay inay xaliyeen khilaafyadoodii siyaasiga ahaa. Arrinta ugu muhiimsani waxa weeye in la dhiso hay’ado ka hawlgala khilaafaadka siyaasiga ah, sidaa darteed Somaliland baa taala inay ka doodaan oo falanqeeyeen waxay soo mareen iyo siday wax u dhisanayaan. Waxa diideen inuu Ingiriisku idin sii haysto, iyo inaad ka mid ahaataan Somalia, rabitaankiinana waxa laga dheehan karaa dastuurkiina, saddex bilood ee ugu dambaysay waxa dalkayaga soo galay 250,000 oo qaxooti Soomaaliyeed ah, hub baanay noola soo galeen khrash badan ayaana naga baxay maxay ku doonayaan baarlamaan iyo madaxweyne, wuxuuna doonay madaweynuhu inuu Nairobi uun fadhiyo, waxaananu ku nidhi Soomaali halka kama xukumaysid, orod tag Muqdisho, sidaa darteed Somaliland iyo Somalia way ii kala qaybsan yihiin, waxaana u hawl galay sidii ay dawladda iyo baarlamaanku u aqoonsan lahaayeen Somaliland, gudi baana hordhigayaa aqoonsiga Somaliland, wasiirka arrimaha debada inaan u yeedhay, madaweynihiinu waa kii Kenya soo maray, Tanzania, imikana xaaladiinu waa u bisil yihiin, in IGAD idinka war hayso, wasiirka Arrimaha Debada wuxuu noo balan qaaday inuu IGAD horgeynayo, loona ogolaanayo Somaliland inay kursi goob jooganimo ku yeelato, aniguna halkan umaan iman tababar keliya ee waxaan u imid sidii Somaliland u noqon lahayd dal caalamku aqoonsado, waxaanan dalka Ingiriiska u sheegay inay tusaale u noqdo aqoonsiga Somaliland, waxayna yidhaahdi idinku Kenya bilaaba, golihii Guurtida iyo wakiilada waxa idiin qaybsan hawshii xeer dejinta, idinka iyo xukuumaddana xilkii fulinta sidaas ayuu dastuurkiinu cadaynayaa, waxaan aad uga helay guddiyadii tur-xaan bixinta khilaafaadka golayaasha aad u saarteen, golaha wakiilada iyaga waa la soo doortay, idinkuse waxaad ku timaadeen magacaabid, hab beeleed, inkastood habkan ku soo dhisanteen, haddana in isbedel lagu sameeyo, hab beeleedkaasi ayaa haboon, dooda aan idiin la socdaana waa sidii isbedel u samayn lahaydeen, idinkaanay idiin taalaa, sidaad doorbideen”.

Intaa ka dib ayaa mudanayaasha Golaha Guurtidu su’aalo ku weydiiyeen.
Ugu horeyn waxaa su’aal weydiiyey Mudane C/laahi Sheekh, waxaanay u dhacday sidan. “Sideed u aragtaa xaalada ku soo korodhay Geeska Afrika iyo in Uganda, Kenya iyo Itoobiya aqoonsadaan Somaliland?” waxaanu Mr. Petter ku jawaabay “Anagu haddaanu nahay Kenya waxaanu ka mid nahay wadamada IGAD oo isugu yimaada kulamo, maadaama aydaan IGAD ku jirin, horta dedaalkayaga ugu horeeyaa waxa uu yahay in ururka IGAD codkiinu gaadho, imika dedaal dhexdhexaadina ay dawladayadu ku jirta sidii dagaal loo baajin lahaa, marna ay maxaakiimta u tegaysaa, marna Itoobiya, marna Uganda.

Qayb dawladda Somaliyeed ayaa tidhi wakiilka Kenya u qaabilsan Somalia yuu tegin Xamar ama lagu dilaay’e, dawladda Itoobiya in ilaa hadda waxaanu doonaynaa inaanu ku qancino in aanu dagaal dhakhso ahi bilaabmin, anagu qaabka aanu hadda abaaraynaa waxa weeye in la aqoonsado Somaliland, waxaananu ku dedaalaynaa in kulanka ugu horeeya ay ka qayb gasho Somaliland ee IGAD oo ay tagto oo ay goob joog ka noqoto Somaliland, kooxaha kale ee Somalia isku hayana in laysku celiyo”.

Waxa isaguna su’aal halkaa ku weydiiyey Mudane X. Cabdi Waraabe, wuxuu yidhi. “Afrika markii la qayb qaybiyey ayaa shan meelood loo qaybiyey Soomaalida anagu waxaanu ka xorawnay Ingiriiska afar maalmood anagoo wax shuruud ah ku xidhin baanu la midawnay Somalia markii aanu u dhiibnayna maanu odhan dawladda inoo qaybiya, midawgaa bilaa shuruuda ah masiibaa nagaga dhacday, oo kamaanu macaashin, kolkii diyaaradii Hargeysa ka kacday ay dib noo duqaysay, nala xasuuqay waxaan nidhi intii Somaliland ka soo wada jeeday ayuu dawladnimo wada dhisano, oo is-cafino, sidaasaan ku walaalawnay IGAD inay naga dhega adaygeen oo godob bay naga gashay, olada Itoobiya iyo Kenya waxaanu u malaynayaa Soomaalida labada dalba degta awgood idinka aha oo daw aqoon leh baa tihiin, maanta waxaanu magan idiinka nahay labanambar, xaq darada ay IGAD xaqirtay ergaanu idiinka nahay ee caalmaka nagu dirtay, laba dabkaa aad ku soo tabacteen ee madaxweynuhu aad ku soo doorateen Itoobiya kolba u cararaya ee gambadii Soomaaliyeed lagu baabi’inayo ee Kenya gogol dhigeedii ahayd, colaada halkaasi ka aloosan Kenya way gaadhi, anagana wax naga soo gaadhi, dabka ay IGAD shiday inay joojiso haddaan Guurtida Somaliland nahay baanu magan idiinka nahay, labadaa qodob hadaad ku dedaashaan waa dhamaystirkii ictiraafkii Ilaahayna waa haysaa, ka IGAD haystayna idinkaa ka warkeeni doona.

Shirkaa IGAD ee soo socdana waxa kaa rajaynayaa inaad dedaal ka gasho sidii uga qayb gali lahayd, abaalkiina oo lagu tumanayo, wax weyn baanu ka tari lahayn.
Mr. Petter oo ka jawaabaya ayaa isaguna yidhi:. “Wixii ay doonistiinu tahay idinkaa u door leh waxaan anigu idiin balan qaadayaa inaan sidii aan horeba dedaalka ugu jiray u gali doono, aniga oo Somaliland iyo Somalia way ii kala cad yihiin, caalamka waa u muuqataa, nidaamka dawladnimada iyo dimuqraadiyada ee ka hirgeliseen Somaliland iyo siday u dayacantahay.”

Top

Boorama, November 29, 2006 (Haatuf) — Mid ka mid ah Masuuliyiinta Axsaabta Mucaaradka ee Boorama ayaa markii ugu horreysay faallo ka bixiyey aragtidiisa ku saabsan heshiiska dhawaanta lagu soo gebogebeeyey ee turxaan-bixinta Golayaasha Wakiilada iyo Guurtida.

Sida uu ku soo waramay weriyaha Haatuf ee gobolka Awdal, Maxamed, gudoomiyaha Abaabulka ee xisbiga Kulmiye u qaabilsan gobolka Awdal, Axmed Yusuf Faarax, ayaa xog-waran uu arrintaasi ka siiyey Haatuf ku tilmaamay mid aan macno lahayn isla markaana xukuumadda u sii fasaxaya inaanay waxba ka beddelin siyaasadeeda.

Xogwarankan waxa kale oo uu guddoomiyaha abaabulka Kulmiye, ku daadefeeyey xisbiga kale ee mucaaradka ah ee UCID, kaas oo uu ku tilmaamay mid qorshahan kula safan dhinaca xukuumadda, hadaladiisiina waxa ka mid ahaa: “Waxaan runtii hadalka heshiiskaasi u arkaa mid aan waxba ka tarayn sida ay u shaqayso xukuumadda Somaliland iyo golayaasheeduba, iyadoo heshiiskaasi hadduu jirana aan u arka uun “isdhiibid” uu golaha wakiiladu isku dhiibay Xukuumadda Rayaale iyo Xisbiga UDUB. Waxa kale oo aan odhan karaa Golaha Wakiiladu xaq uma lahayn inuu kulan la yeesho Golaha guurtida ee wakhtigiisii dhaammaaday, cidina aanay soo dooran, arrinta heshiiskaasina uu awood kale u kordhiyey xukuumadda. Waxan ka warqabnaa in arrinta kulankan uu ka dambeeyey xisbiga UCID oo weligiiba lagu xanto inuu gacansaar la leeyahay xisbul-xaakimka, isla markaana maalmahan u dambeeyeyna hadallo qurux badan ay Guddoomiyaha UCID Faysal Cali Waraabe iyo Madaxweynuhu isweydaarsanayeen, kulamo aan la ogeyn waxay ku saabsanaayeenna ay gaar u wada yeesheen. Waxaan rumaysanahay in UCID weligiiba ka hor yimaaddo talooyinka xisbiga KULMIYE ku doonayo inuu dalka maamulkiisa uu wax kaga qabto, maanta oo shirguddoonka Golaha wakiilada ay ku badan yihiinna aan laga sugayn wax ka farxiya shicibka, ee uu la safan yahay Golayaasha Rayaale ee Guurtida iyo wasiirada.”

Top

Warbixin – Maxamed Cumar – Boorama

Qaybtii 2aad

Inkastoo aanay dhallinyaradaasi ama labadaa wiil aanay ku raagin xabsiga saldhigga Lawyacaddo, la iskana sii daayey haddana waxay bilow u ahayd olole Xukuumadda Djibouti ku doonayso inay sumcad iyo dhaqaaleba kaga kasbato dalalka milaterigoodu saldhigga ka dhigteen ciidda Djibouti.

Shan iyo toban maalmood oo aan xilligaas joogay magaalooyinka Saylac iyo Lawyacaddo, ayaa waxa maalin kasta isoo hormarayey diyaaradaha helikobtarada ah iyo kuwa dagaalka ee ciidamada xulafada la ah Maraykanka oo subaxdii iyo galabtiiba iska soo gelaya hawada degaanka Saylac iyo baddaha ku xeeran, iyagoo joog hoose iyo xawli hooseba ku duulaya. Inta badan maan arkin meel ay ka soo duulayaan iyo meesha ay ku socdaan, balse saacadaha ay ku jiraan hawada Somaliland iyo xeebaheeda galbeedba waxaad maqli karaysay guuxa iyo qaraxyada ka dhacaya dhulka ku xeeran jasiiradda Saacaddiin. Qaar ka mid ah kalluumaysatada wadata laashashka liita oo ka soo baxay badda Saylac oo aan wax ka weydiiyey waxa dayaankan iyo guuxan badda ka dhacayaa uu yahay ayaa mid ka mid ah igu yidhi: “Maalin kasta guuxaasi wuxu nagu hayaa cabsi, marmar baan is nidhaahnaa malaha badday idinku darayaan, diyaaradaha qaar baa intay aad noogu soo dhawaadaan aanu is nidhaahnaa malaha shabaagta ayey idiin jarayaan ciidamadu meesha way ku tababartaan.”

Haddaba markaad eegto dhaqdhaqaaqyada waagaasi ee bilowga u ahaa tababarada ciidamada xulafada Maraykanka ee Geeska Afrika ka samaynayeen dhulka xeebta galbeed, waxa laga fili karaa xukuumadda Geelle inay bilowdo fulinta arrimaha uu ka damacsan yahay Somaliland, kuwaas oo haatan ku socda xawli soo dedejin kara tallaabooyin aan la saadaalin karin oo ay xukuumadda Djibouti ka qaaddo Somaliland, iyadoo la saadaalin karo inay hawsheedaa ka bilowda xeebaha Galbeed ee Gobolkan Awdal, oo ay ugu cadhaysan yihiin sida Madaxweyne Rayaale ka yeelay ina abtigii Geelle oo ka filayey in dadka reer Saylac, ee abtirsiin ahaan ka soo jeeda ardaayada Madaxweynaha Djibouti Ismaaciil Cumar Geelle, uu sed-buursiimo ama saami xoogle ka siin doono Xukuumadda Rayaale taasina ay dhici weyday balse xitaa waayey saamigii ay ku lahaan jireen xukuumadii Marxuum Maxamed Ibraahim Cigaal.

Madaxweyne Geelle, oo hoggaaminta Djibouti ka dhaxlay adeerkii marxuum Xasan Guuleed Abtidoon, wuxu dalkiisa ka dhigay meesha ugu deggen Geeska Afrika, uguna dhaqaalaha badan, halka ina abtigii Rayaale oo xukunka ka dhaxlay Marxuum Maxamed Ibraahim Cigaal la ogyahay meesha uu maanta marinayo Somaliland dal ahaan, dhaqaale ahaan iyo siyaasad ahaanba, haddana cadhada kala haysata labada madaxweyne ayaa ah mid aan si dhib yar looga gudbi karin sannadaha soo socda, lana filayo in colaadda labada dal sii xoogeysato.

Haddaba markaad eegto aasaaska ama meesha ay ka timi dareenka colaadeed ee labada dal ayaa iyaduna ah mid u baahan in la iftiimiyo.

Madaxweyne Rayaale waagii uu ahaa Madaxweyne ku-xigeenkii Marxuum Cigaal waxa inta badan farxad muujiyey dadka reer Djibouti ee aaminsan qaarkood inay Daahir Rayaale iska xigaan Marxuum Cigaal. Riyadaasi waxay keentay in reer Djibouti ammaan, taageero iyo martiqaadyaba kala daalaan Madaxweynaha Somaliland ee maanta, taas oo dhinaca kale ka cadhaysiisay Maxruum Cigaal, oo si badheedh ah madaxweyne ku-xigeenkii waagaasi, Daahir Rayaale, ku canaantay xidhiidhka dhaw ee uu la samaystay madaxweynaha Djibouti iyo xukuumaddisaba............
La soco

Top

Vacancy Announcement

Position: Environment project manager

Nagaad umbrella organization is a non-profit making, non-governmental, voluntary and humanitarian umbrella organization that was established by 31 local Somaliland Women Organizations in 1997. Nagaad umbrella organization strives for the development of women in Somaliland and its programmes are aimed at strengthening of Nagaad's organizational capacity as well as it's member organizations by ensuring adequately skilled, competent and diverse Human Resource to carry out effective and sustainable projects.
Nagaad Umbrella Organization is looking for a suitable person to fill the position of a Project Manager for Nagaad Umbrella Environment in Hargeysa Office. The Project Manager will directly report to the Program Coordinator.

DUTIES AND RESPONSIBILITIES:
Under the overall guidance of the Executive Director through the program Coordinator of Nagaad Umbrella the Environment project manager shall perform the following tasks and responsibilities:
1. To lead and manage the proper and effective Execution of the Environment project in Somali land
2. Implement project activities as per project plan and Nagaad procedures
3. Prepare Activity plans and budgets and approve from the Executive Director trough the Program Coordinator
4. Provide Guidance and support to the project staff to enhance the development of the Organization
5 Prepare project proposals on the field of Environment activities
6 To effectively plan and Monitor the smooth implementation of the Environment project
7 Establish Monitoring and evaluation System for the project
8 Conduct field of activity Visit for monitoring purpose
9 Prepare and Submit Monthly, Quarterly, and annual project activities reports to the program coordinator
10 To liaise and coordinate with relevant Government Authorities and the other Actors in Environment projects
11 Perform any other tasks and duties that may delegated by the Program
Coordinator and the Executive Director
Required Skills and Qualifications:
· Minimum of a degree/ Diploma in Environment, Ecology, Health or Agriculture
· Minimum of 3 years experience working in a similar job.
· Minimum of 3 years experience working with the International or Local NGOs
· Good interpersonal relations and teamwork.
· Excellent written and verbal communication in English.
· Excellent in computer applications
Interested candidates should submit their CVs, written application and copies of their certificates to Nagaad Administration Office in Hargeisa not later than Sunday 3rd Dec. 2006. Nagaad’s an umbrella for women organizations, and women are especially encouraged to apply.

Top

1. Marxuum Mahdi Buubaa wuxuu ku dhashay magaalada Hargeysa taariikhdu markay ahayd 1921.

2. Marxuumku yaraantiisii isagoo kuray ah waxa uu u safray magaalada Berbera, halkaas oo uu ugu dhacay dagaalkii labaad ee adduunka.
Dagaalkaas dabadeed wuxuu ku soo laabtay magaalada Hargeysa, halkaasna wuxuu ka bilaabay barashada gaadiidka, taas oo waqtigaas ahayd farsamada ugu sarraysa ee la barto.
Muddo ka dib ayuu marxuumku u dhoofay magalaada Jijiga. Waqti ka dibna, wuxuu u gudbay dhinaca Boorame, halkaas oo markuu muddo joogay uu u sii dhaafay magaalada Jabuuti iyadoo weli dagaalkii labaad aanu dhammaanin.

3. Ganacsigii ugu horreyay ee rasmiga ahaana wuxuu ka bilaabay magaalada Boorame oo uu degay. Taasi waxay muujinaysaa inuu xoolihiisii ku aaminay meel aan deegaankiisii ahayn, taasina ahayd mucjiso. Dadkii kula yaabanaana markii danbe ku daydeen ilaa waqtiganna ay kuwo badani degan yihiin. Sidaana wuxuu ku noqday deegaanka rasmiga ah ee Boorame oo ilaa hadda lagu xushmeeyo isaguna uu ku dhaadan jiray.

Marxuumka oo Boorame ku sugan ayaa loo magacaabay xubin ka mid ah golaha deegaanka magaalada Hargeysa taariikhdu markay ahayd 1953. Iyadoo si isdabajoog ah loogu dooranayay waqtiyadii danbena xubin golahaa deegaanka Hargaysa ah. Waxaanu ka soo qabtay xilal kala

4. oo ay ka mid ahaayeen guddiga waxbarashada, bulshada, iyo shuruucda dhulka.

Halgankii gobanimodoonka
1. Waqtigaa oo uu Hargeysa u soo wareegay oo ay bilaabmeen dabaylihii gobaninodoonku, waxa uu marxuumku ka mid ahaa halgamayaashii hiilka iyo hooga la daba joogay halgankaas. Waqtigaas oo ganacsigiisii ku soo fiday Hargeysa.

2. Kaalintiisii saamaynta lahayd ee hormooodnimada warshadaynta dalka (Wershadda Pepsi Cola), ee sideetanaadkii oo la sameeyay warshaddii Pepsi Cola si looga baaqdo sharaab dibedda laga keeno, meeshana ay ku jirtay shaqo abuuris dalka ah. Wuxuu marxuumku ku dhiiraday inuu xoolihiisii geliyo kana noqdo saamiile wayn, isagoo ka duulaya danta guud ee dalka. Marxuumku wuxu ka soo qabtay warshaddaas xilal kala duwan oo ay mid ahaayeen guddoomiye-ku-xigeen iyo guddoomiye.

3. Hadda oo lagu guda jiray dibu furida warshaddaasna wuxuu ka ahaa guddoomiye, iyadoo saamilay badan oo qurbaha iyo dalkaba joogtaa ku aamineen wakiilnimadiisii.
4. Marxuumku dhinca wax soo-saarka dalka wuxuu u ahaa astaan ku dayasho mudan, tusaale ahaan beerta uu ka sameeyay Uubaale oo dad badani waqtigaa kula yaabanaayeen meesha uu ka samaynayo beertaas. Taas oo waxsoo saarkeedii noqday mid lagu wada dayday, isagoo dhowaanna ku soo biiriyay inuu geel ku dhaqo.

Halgankii Hubaysnaa ee SNM ee 1988-1991
1. Marxuumku wuxuu kaalin libaax oo hormoodnimo ahayd ka soo qaatay halgankii SNM ee dibu xoraynta dalka. Isagoo ka qayb qaatay shirwayneyaashii Caydaroosh, Madalweyn, Balligubadle, Sallaxlay iyo Dhoqoshay. Waxa kale oo iyana xusid mudan kaalintii dhaqaalaha iyo wacyigelinta halgankaas.

Dibu-ula soo noqoshadii xorriyadda iyo madax-banaaninada
Somaliland (1991).
1. Waqtigaas oo uu si isdaba jooga ah oo aan hakad lahayn isugu xilsaaray kana mid ahaa odayaashii u howl galay qabsoomiddii shirweynihii dibu-heshiisiinta ee lagu qabtay Burco, kaas oo lagu go’aansaday dib-ula soo noqoshada gobanimada iyo qaranimadii Somaliland 18 May 1991.
2. Shirweynihii dib ula soo noqoshadii gobanimada waxa ka danbeeyay shirar badan oo turxaan bixin iyo nabadayn ahaa, marxuumkana waxaa lagu xusuusanayaa kaalmihii uu ka soo qaatay shirarkaas iyo kulammadaas, kuwaas oo ay ka mid ahaayeen: - Shirkii Sheekh, kii Berbera, Oodweyne, shirarkaas oo ahaa dhammaantood turxaan bixintii beelaha Somaliland uu kana dhashay shirweynihii shanta bilood socday beelaha Somaliland ee lagu qabtay Boorame 1993. shirkaas oo lagu soo saaray axdi qarameedkii lagu dhaqayay dalka distoorka ka hor.
3. Waxa aan iyana la illaawi karin kaalintii uu ka qaatay shirkii nabadeynta ee Burco 1994.
4. Marxuumku intaas oo howl ah oo uu soo qabtay marnaba kama uu doonayn inuu wax xil ah ama kursi ku helo.

Kaalintiisii Diinta Islaamka
1. Marxuumku Ilaahay ha u naxariistee, wuxuu ahaa shakhsi mu’min ah oo cibaado badan, isagoo Xajka iyo Cumradaba ku noqnoqday. Wuxuu ahaa run sheeg ballan adag.
2. Marxuumku wuxuu caan ku ahaa necbaanshaha beenta iyo ballandarrada.
Tafiirtii Marxuumka
1. Marxkuumku wuxuu ifka kaga tegay 50 qof (wixii uu dhalay iyo waxay sii dhaleen) iyo saddex haween ah.

Taariikhdan waxa soo ururiyay
1. Xaaji Cabdikariim Xuseen (Cabdi waraabe)
2. Cabdi Ugaas Muxumed (Taliyaha Ciidanka Asluubta JSL)
3. Macalin Xuseen Sh. Maxamuud Sh. Haaruun
4. Cabdi Aw Maxamuud Aw Cadde
5. Caydiid Cabdillaahi Diiriye

Top

Wasiirka Caafimaadka Iyo Shaqada Somaliland, Cabdillaahi Xuseen Iimaan (Darawal), Xasan Cali Abokor, Maxamed Cali Yuusuf (Maydhax) iyo Maxamuud Axmed Ismaaciil, dhamaan dadkaasi waxay tacsi u dirayaan qoyskii, eheladii iyo dhammaan ummadda reer Somaliland oo ay ka tacsiyadaynayaan geeridii naxdinta lahayd ee ku timid Marxuum Mujaahid XASSAN YOONIS HABANE oo 27/11/2006 ku geeriyooday magaalada Hargeysa, waxaanay Illaahay uga baryaynaa inuu naxariistiisii jano ka waraabiyo, qoyskii, ehelkii iyo dhammaan ummadda Somalilandna samir iyo iimaan ka siiyo. Aamiin … Aamiin ..

TACSI: HALYEYGII SOMALILAND MUJAAHID XASAN YOONIS HABANE
GEERIYEEY XISHOODLAAY !

Jamaal X. Maxamed Musse-Geedi iyo xaaskiisa Nimco X. Maxamud
Axmed Muuse Geedi (SanJab)
Siciid Cumar X. Siciid iyo Xaaskiias Nimco Maxamed Cabdi
Maxamed Axmed Sh. Muuse
Dhamaan dadkan oo kala jooga Canada, Maraykanka
Waxanu tacsi u diraynaa dhamaan qoyskii, eheladii iyo dhamaan shacabka reer Somaliland ee uu ka geeriyooday Halyeygii Somaliland marxuum XASAN YOONIS HABANE oo 27/11/2006 ku geeriyooday Magaalada HARGEYSA.
Waxanu leenahay marxuumka illaahay naxariistii jano ha ka waraabiyo, qoyskii, qaraabadii iyo dhamaan shacabka Somaliland ee uu ka baxayna illaahay samir iyo iiman haka siiyo.
Aamiin Aamiin Aamiin ayaanu leenahay.


TACSI: MARXUUM XASAN YOONIS HABANE OO KA MID AHAA HALYEEYADII U DACAREEYEY CIIDAMADII FAQASHTA IYO XULAFADOODII INAY XASUUQAAN BEESHA ‘ISAAQ’( 1981-1991).
INA-LILAAHI WA INAA ILEYHI RAAJICUUN.

Aniga oo ah Xoghaya Guud ee Xisbiga UCID Mudane Axmed Muuse Geedi (Sanjab) ku hadlaya magacayga, ka xaaskeeda iyo ka Xisbiga, waxan ka tacsiyadeynayaa qoyskii, qaraabadii iyo dhamaan shicibweynaha reer Somaliland geeridii naxdinta badnayd ee ku timid Mudane, Mujaahid, Taliye XASAN YOONIS HABANE oo ka mid ahaan jiray Taliyeyaashii Garabka Hubeysan ee SNMTA ee xeeladaha dagaal ee la yaabka badnaa ku muquuniyey Ciidamadii FAQASHTA iyo Xulafadoodii, ka bacdina ka badbaadiyey beesha ISAAQ Xasuuqii u qorsheysnaa. Farsamadaas oo dhashay GOONI-ISU-TAAG-SOMALILAND. Min 1991 ilaa hadda, Mudane Xasan wuxu ka mid ahaa Madaxdii RUKUNADA u taagtay Dawladnimada Somaliland. Waxan HALYEEGAAS ILAAHAY uga u baryayaa inuu janadii fardowsa ku hooyo, inagana dhamaanteen samir iyo imaan inaga siiyo.

Inteena wali noola, waxan ilaahay u baryayaa inuu ina garansiiyo in xaq u dirirku yahay wax waajib inagu ah. INA-LILAAHI WA INAA ILEEHI RAAJICUUN.
ALLAA MAHAD LEH.
Mudane Axmed Muuse Geedi ( sanjab)
Xoghaya Guud ee Xisbiga UCID.

TACSI
Wakiilka Xisbiga KULMIYE ee Gobolka Awdal iyo masuuliyiinta laamaha kala duwan ee xisbigaasi waxay iyagoo ka wakiil ah shacbiga Gobolka Awdal iyo taageerayaasha xibigaasi, tacsi u dirayaan guud ahaanba shacbiga Somaliland, taageerayaasha xisbiga, dawladda, qaraabadii, saaxiibadii iyo eheladii ay ka kala geeriyoodeen marxuumiinta kala ah
Daa’uud Maxamed Geelle iyo Xasan Yoonis Habane, waxayna Illaahay uga baryayaan inuu jannadii ka waraabiyo inta uu ka tegeyna samir iyo iimaan ilaahay ka siiyo. Aamiin... Aamiin…


TACSI
Dhamaan xubnaha xisbiga ucid ee laa’amaha uk iyo. yurub waxay Tacsi u dirayaan. Dhamaan eheldii qaraabadii iyo Asxaabti gaar ahaan ururkii SNM iyo dhamaan Shacabka Jamhuuriyad Somaliland iyagoo uga Tacsiyadaynaye ku timid marxuun mujaahid Xasan Yoonis Habane oo ka mid ahaa Saraakiishii udub dhexaadka u ahayd urukii SNM ku geeriyooday magaalada Hargaysa ilaahay ha u xaxariiso dhamaan teena Samir iyo Cibro qaadasho haynaga siyo Amiin.

1. Mujaahid mahamed Xusen Meecaad
2. Mujaahid mahamud Salaxan
3. Mujaahid Abdirahman Gees
4. Mujaahid mahamed Xiis
5. Mujaahid Siciid Abdi yususf (Siciid Xabashi)
6. Mujaahid Abdi aw Xuseen (Abdiindhoole)
7. Mujaahid Mohamed Mahamud (mataan)
8. Mujaahid Adan Saytuux
9. Cabdiqani Siciid Adan
10. Mahadi Jamac Rooble
11. Ahmed X Jamac Mecaad
12. Mahamed Ali uurdoox


Dadkaas oo ku nool magaalada Sheffield waxay Tacsi u dirayan qarabadii iyo eheldii ee ka gareyooday Xasan Yoonis Habane.


TACSI KU SOCOTA QOYSKII
MUJAAHID XASSAN YUNIS HABANE
Anagu ka midah muwadininta Reer Somaliland eek u dhaqan Dalka Saudi Arabia, Waxaanu tacsi u dirayna qoyskii,asxaabtii,eheladii, iyo dhamaan umada reer Somaliland geerida naxdintaleh ee ku timid Marxuum Mujaahid XASSAN YUSNIS HABANE. Waxaanu ilaahay uga baryaynaa marxuum Xassan inuu denbigiisa dhaafo, Naxariistiisana ka wraabiyo.

Tacsida waxa diraya:

1. Abshir Cabdillaahi Xasan
2. Sulaymaan Yuusuf Cilmi
3. Cabdilaahi Nuur
4. Aadan Cabdi Diirye.
5. Ali Mooge (Cali Wajaale)
6. Ismaaciil Nuur
7. Haybe Adan Caateeye
8. Muuse Muhumed Sabriye
9. Caydiid Xaashi Cige.
10. Maxamad Xasan (Barbaraawi)
11. Axmad Cali Cige IIdle
12. Ibrahim Mawliid Cabdi
13. Cumar Muxumad Maax
14. Maxamad Xasan Barre
15. Nuux Cumar.
16. Maxamuud Carab Obsiiye.
17. Maxamad Xasan Guray Dheereeye.
18. Khadar Xaashi Cige.
19. Cali Muxumad Muude
20. Aadan Faarax Muude
21. Maxamad Ismaciil Hoori (Dankali)
22. Faysal Yoonis
23. Cabdillahi Sheekh Muuse
24. Idiris
25. Maxamad Cabdi Xaddi
26. Daauud Coomay.
27. Axmad Ibrahim
28. Maxamad Cumar.
29. Maxamad Jaamac Bulaale
30. Abshir Muxumad Qaasaali
31. Haybe Oomaar
32. Cabdillahi Cumar
33. Jaamac Xuseen Hure
34. Ahmed Yuusuf
35. Maxamad Cali Samir
36. Daahir Aw Cali
37. CabdiKariim Ciise Suldaan
38. Zame Haybe Aadan
39. Ilyaas Cumar Aadan
40. Muxyadiin Cumar Aadan
41. Habiib Cabdi Aadan
42. Ibrahim Haybe Aadan
43. Abdillahi Abshir Abdillahi
44. Xamze Abshir Cabdillahi
45. Xasan Abshir Cabdillahi
46. Shucayb Abshir Cabdillahi
47. Jaamac Ibrahim Guuleed.
48. Maxamad Cali Nuur.
49. Axmad Aw Cali – Aw Dheeli
50. Maxamad Ciise Nijaar
51. Daahir Miigane Nuur
52. Daahir Axmad Mixile
53. Axmad Geelle
54. Maxamad Ismaaciil Joodare
55. Maxamad Beegsi
56. Mukhtaar Axmed
57. Aadan Sulub Ciise
58. Axmad Xuseen Ismaaciil
59. Maxamad Cabdi Biirshe.

Top

Faqidaad – M/Rashiid Muxumed Faarax

Qaybtii 5-aad

Musuq maasuqyadii uu Marxuum Cigaal sameeyey ee uu dalka kaga tegay kuwii ugu waaweynaa waxaa ka mid ahaa:

- Lacagta $30 (soddonka Dollar ah) ee Baanka Somaliland u sarifo dadka madaarada ka soo dega, taasi oo lagu sarifo 3500 Sl Sh, (Saddex kun iyo shan boqol oo Somaliland ah) qof walba. iyada oo lacagta adag ee dawladda ku soo gasha cashuurta ee baanku kaga qabto qiimaha 3500 Sl Sh ah, halkii dollarba ee haddii dawladdu lacag adag u baahatana Baanku ku siinayo qiimaha suuqa xorta ah ee ah 6500 Sl Sh ah, halkii dollar, taasi oo Baanku ka helo malaayiin dollar oo aan miisaaniyadda dalka gelin.
- Keenistii dalka ee shirkadda TOTAL iyo heshiiskii uu la galay ee sharci darrada ay ku tilmaameen golihii Wakiiladda ee kan ka horeeyey, isla markaana diideen ansixinta shirkaddaa. Isagoo madaxweyne Rayaale ka dhaxlay wadadaa uu u jeexay oo imika labada arrinba sidoodii u socdan ayuu haddana ku soo kordhiyey Rayaale musuq maasuqyo kale oo ay ka mid yihiin
- Iibka iskaraabka dalka oo aanay lacagta ka soo xeroota oo lagu qiyaasay malaayiin dollar-na aanay gelin miisaaniyadda dalka.
- Iibka ceelasha saliida iyo batroolka oo lacagta laga qaadaanaa aanay gelin miisaaniyadda dalka, oo inta la ogyahay dhawr shirkadood laga qaaday dhawr milyan oo dollar.
- Iibka Guryaha iyo dhulka dawladda oo ay ka mid yihiin
- Dekedda Berbera dhexdeeda oo laga iibiyey Ilma Faarax Xarbi
- Guryaha dawladda ee Baar Hargeysa agteeda, oo laga iibiyey Baxsane
- Xerada Taraafikada oo laga iibiyey Aadan Baradho
- Bogcada jagada ah ee TOTAL laga iibiye ee kaalinta ay ka dhisanayso ee la isku qabsaday
- Iibka kaluunka baddaha Somaliland ee maraakiibta Masaaridu ku xaalufisay badaha dalka oo dhan.
 

Top