|
|||||
haatuf.net
Baarlamaanka Somalia Oo Kalsoonidii Kala Noqday Raysal-Wasaare Cabdi Wali Iyo Xukuumadiisii
December 6, 2014 - Written by Admin TwoMuqdisho, therapy December 6, 2014 (Haatuf) – Xildhibaanada Baarlamaanka Dawlada Faderaalka Ah Ee Somalia Ayaa Maanta Kalsoonida Kala Noqday Ra’iisul Wasaaraha Somalia, Cabdi-Weli Sheekh Axmed iyo xukuumaddiisa ka dib markii mooshin ka dhan ah raysal wasaraaha iyo xukuumadiisa loo gudbiyey barlaamanka isla markaana maanta cod kalsoonida loo qaaday mooshin ka dhan ah ra’iisul wasaaraha. Mudanayaashii fadhiga ka soo xadiiray ayaa ay tiradoodu ahayd 235 xildhibaan 153 ka mid ah waxay ogolaadeen in kalsoonida lagala laabto xukuumadda ra’iisul wasaaraha halka 80 ka mid ahina ay diideen in kalsoonida lagala laabto waxana ka aamusay laba mudane. Waxana ku dhawaaqay natiijada codeynta guddoonka golaha baarlmaanka federaalka soomaaliya iyagoo sheegay in codeyntu ay tahay mid ansax ah isla markaana kalsoonidii lagala noqday xukuumad ra’iisul wasaare Cabdi Wali Sheikh. Shir-gudoonka ayaa ugu baaqay madaxweynaha soomaaliya inuu muddo soddon casho ah ku soo magacaabo ra’iisul wasaarihii bedeli lahaa C/Weli Sheekh, iyagoo sheegay in inta muddadaas ka dhiman ay xukuumaddu sii shaqeynayso. Mooshinka kalsoonida loogu diiday ra’iisul wasaaraha Somalia ayaa waxaa bishii hore u soo gudbiyay baarlamaanka 138 mudane, kuwaasoo ra’isul wasaraha iyo xukuumaddiisa ku eedeeyay inay howshii gudan waday. Ra’iisul wasaaraha kalsoonida lagala laabtay C/weli Sheekh ayaa isaguna horay u sheegay in mooshinka laga geeyay baarlamanka uu ahaa mid loogu daneynayo wasiir ay saxiibbo yihiin madaxweynaha Somalia oo uu ula jeeday Faarax Sheekh C/qaadir Maxamed oo ah wasiirka garsoorka iyo dastuurka Soomaaliya. Si kastaba Arintu Ha Ahtee Kalsooni Kala Noqoshadan AY Maanta Sameeyen Baralamanka ayaa noqonaya ra’iisul wasarihii labaad oo kalsoonida uu kala laabto baarlamaanka Soomaaliya tan iyo markii xilka madaxnimo ee dalka loo doortay madaxweynaha Soomaaliya Xasan Sh. Maxamuud.
CONTACT US : haatufnews@hotmail.com COMMENTS
|
|||||
|